എന്റെ നായികയായി അഭിനയിച്ചതിന്റെ പേരില്‍ അവരെ ഒരുപാട് പേര്‍ പരിഹസിച്ചിട്ടുണ്ട്; അനുഭവം തുറന്ന് പറഞ്ഞ് ജഗദീഷ്
എന്റര്‍ടെയിന്‍മെന്റ് ഡെസ്‌ക്
Monday, 28th June 2021, 3:18 pm
മലയാളികള്‍ക്ക് മറക്കാനാവാത്ത ഒരുപാട് കഥാപാത്രങ്ങളെ സമ്മാനിച്ച കൂട്ടുകെട്ടാണ് ജഗദീഷ്-ഉര്‍വശി കൂട്ടുകെട്ട്. നടി ഉര്‍വ്വശിയുമൊത്ത് നിരവധി സിനിമകളില്‍ അഭിനയിച്ച അനുഭവം പങ്കുവെക്കുകയാണ് താരം.
താന്‍ ഒരു കോമഡി താരം എന്ന് അറിയപ്പെട്ടിരുന്ന കാലത്ത് തനിക്കും ഹീറോയാകാം എന്ന് പറഞ്ഞ് കോണ്‍ഫിഡന്‍സ് തന്നത് ഉര്‍വശിയാണെന്ന് തുറന്ന് പറയുകയാണ് താരം. കൈരളി ടിവിയിലെ ജെ.ബി. ജംഗ്ഷന്‍ എന്ന പരിപാടിയിലായിരുന്നു ജഗദീഷ് ഇക്കാര്യം പറഞ്ഞത്.
തനിക്ക് ഉര്‍വശിയോട് ഏറെ കടപ്പാടുണ്ടെന്നും ജഗദീഷ് പറയുന്നു.
‘എനിക്ക് ഏറ്റവും അടുപ്പമുള്ള ഹീറോയിന്‍ എന്ന് പറയുന്നത് ഉര്‍വശിയാണ്. എന്റെ കൊമേഡിയന്‍ എന്ന ഒരു പരിമിതി മാറ്റിയിട്ട്, നിങ്ങള്‍ ഒരു കൊമേഡിയന്‍ അല്ല, നിങ്ങള്‍ക്ക് ഒരു ഹീറോയാകാം എന്ന് പറഞ്ഞ് എനിക്ക് കോണ്‍ഫിഡന്‍സ് തന്നിട്ടുള്ളത് ഉര്‍വശിയാണ്.
