ഐ.സി.സി ടെസ്റ്റ് ഓള്‍റൗണ്ടര്‍മാരുടെ പട്ടികയിലും ജഡേജ ഒന്നാമത്
ഡൂള്‍ന്യൂസ് ഡെസ്‌ക്
Tuesday, 8th August 2017, 4:10 pm
ദുബായ്: ഐ.സി.സി ടെസ്റ്റ് ഓള്‍റൗണ്ടര്‍ റാങ്കിംഗില്‍ ഇന്ത്യന്‍ താരം രവീന്ദ്ര ജഡേജ ഒന്നാമത്. ശ്രീലങ്കക്കെതിരായ രണ്ടാം ടെസ്റ്റിലെ തകര്‍പ്പന്‍ പ്രകടനമാണ് ജഡേജയെ ഒന്നാം സ്ഥാനത്തെത്തിച്ചത്.
ബോളര്‍മാരുടെ പട്ടികയിലും ജഡേജയ്ക്കാണ് ഒന്നാം സ്ഥാനം. അതേസമയം ആര്‍. അശ്വിന്‍ രണ്ടാം സ്ഥാനത്തു നിന്ന് മൂന്നാമതായി. ജിമ്മി ആന്‍ഡേഴ്‌സണാണ് രണ്ടാമത്. ഓള്‍റൗണ്ടര്‍മാരുടെ പട്ടികയിലും അശ്വിന്‍ മൂന്നാമതാണ്.
ചേതേശ്വര്‍ പൂജാര ബാറ്റ്‌സമാന്‍മാരുടെ പട്ടികയില്‍ മൂന്നാം സ്ഥാനത്തെത്തിയപ്പോള്‍ വിരാട് കോഹ്‌ലി അഞ്ചാമതും അജിങ്ക്യ രഹാനെ ആറാമതുമാണ്.
അതേസമയം ശ്രീലങ്കക്കെതിരായ മൂന്നാം ടെസ്റ്റും വിജയിച്ച് പരമ്പര തൂത്തുവാരാനൊരുങ്ങുന്ന ഇന്ത്യയ്ക്ക മികച്ച ഫോമിലുള്ള ജഡേജയുടെ സസ്‌പെന്‍ഷന്‍ വിനയാകും.