ഗവര്‍ണറെ ബഹിഷ്‌കരിക്കുമെന്ന് വിദ്യാര്‍ത്ഥികള്‍ ;ജാദവ്പൂര്‍ സര്‍വകലാശാലയുടെ കോണ്‍വെക്കേഷന്‍ റദ്ദ്‌ചെയ്ത് അധികൃതര്‍
ഡൂള്‍ന്യൂസ് ഡെസ്‌ക്
Sunday, 22nd December 2019, 12:12 am
കൊല്‍ക്കത്ത: ജാദവ്പൂര്‍ സര്‍വകലാശാലയുടെ കോണ്‍വെക്കേഷന്‍ നിര്‍ത്തിവയ്ക്കാനുള്ള തീരുമാനത്തില്‍ നിരാശപ്രകടിപ്പിച്ച് പശ്ചിമ ബംഗാള്‍ ഗവര്‍ണര്‍ ജഗദീപ് ധന്‍ഖര്‍.
സംസ്ഥാന സര്‍വകലാശാലകളുടെ ചാന്‍സലര്‍ കൂടിയാണ് ജഗദീപ് ധന്‍ഖര്‍.
ഡിസംബര്‍ 24 ന് നിശ്ചയിച്ചിരുന്ന കോണ്‍വക്കേഷനെക്കുറിച്ച് ചാന്‍സലറുടെ അനുമതിയില്ലാതെ തീരുമാനമെടുക്കാനാവില്ലെന്നും അദ്ദേഹം പറഞ്ഞു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
സംസ്ഥാനത്തെ വിവിധ സര്‍വകലാശാലകളിലെ യോഗങ്ങളും സമ്മേളനങ്ങളും റദ്ദാക്കിയ അഞ്ചാമത്തെ സംഭവമാണിതെന്നും ധന്‍ഖര്‍ പറഞ്ഞു.
ഈ പ്രവണത ഇപ്പോഴത്തെ സര്‍ക്കാറിന്റെ രാഷ്ട്രീയവല്‍ക്കരണത്തെയും ഭയത്തെയും സൂചിപ്പിക്കുന്നു, ” അദ്ദേഹം പറഞ്ഞു.
കഴിഞ്ഞ കുറേ മാസങ്ങളായി തൃണമൂല്‍ കോണ്‍ഗ്രസ് സര്‍ക്കാരുമായി ധന്‍ഖര്‍ നിരവധി പ്രശ്നങ്ങളില്‍ തര്‍ക്കത്തിലാണ്.
