സഭാ വൈദികരുടെ ശാപം ഏറ്റുവാങ്ങി സര്‍ക്കാരിന് തുടര്‍ ഭരണത്തില്‍ വരാനാവില്ല; പള്ളിത്തര്‍ക്കത്തില്‍ നിരാഹാര സമരത്തിനൊരുങ്ങി യാക്കോബായ സഭ
ഡൂള്‍ന്യൂസ് ഡെസ്‌ക്
Saturday, 6th February 2021, 4:04 pm
കൊച്ചി: പള്ളിത്തര്‍ക്കത്തില്‍ സെക്രട്ടറിയേറ്റിന് മുന്നില്‍ അനിശ്ചിതകാല റിലേ നിരാഹാര സമരം നടത്താനൊരുങ്ങി യാക്കോബായ സഭ. ഓര്‍ത്തഡോക്‌സ്- യാക്കോബായ സഭാ തര്‍ക്കത്തില്‍ നിയമ നിര്‍മാണം നടത്തണമെന്ന് ആവശ്യപ്പെട്ടാണ് സമരം.
തിങ്കളാഴ്ച മുതലാണ് നിരാഹാര സമരം ആരംഭിക്കുന്നത്. നഷ്ടപ്പെട്ട പള്ളികളിലെ സെമിത്തേരികളില്‍ കയറി ഞായറാഴ്ച പ്രാര്‍ത്ഥന നടത്തുമെന്നും യാക്കോബായ സഭ അറിയിച്ചു.
