തിരുവനന്തപുരം: കോട്ടയത്ത് നടന്ന കെവിന്‍ പി. ജോസഫിന്റെ ദുരഭിമാനക്കൊലയില്‍ ഡി.ജി.പി ലോക്‌നാഥ് ബെഹ്‌റയ്‌ക്കെതിരെ വിജിലന്‍സ് മുന്‍ ഡയറക്ടര്‍ ജേക്കബ് തോമസ്.
പൊലീസിന്റെ തലപ്പത്തുള്ളത് പാലമരമാണെന്നും അതില്‍ നിന്ന് മാമ്പഴം പ്രതീക്ഷിച്ചിട്ട് കാര്യമില്ലെന്നും അദ്ദേഹം മാധ്യമങ്ങളോട് പറഞ്ഞു. കൂടുതല്‍ പാലമരങ്ങള്‍ നട്ടുവളര്‍ത്തേണ്ടതുണ്ടോ എന്നാണ് സര്‍ക്കാര്‍ ചിന്തിക്കേണ്ടത്.
മുഖ്യമന്ത്രിയുടെ ഉപദേഷ്ടാക്കളെക്കുറിച്ചും കടുത്ത വിമര്‍ശനമാണ് ജേക്കബ് തോമസ് ഉയര്‍ത്തിയത്. ആനപ്പുറത്തിരിക്കുമ്പോള്‍ നിലത്തുള്ളത് കാണാന്‍ സാധിക്കില്ല, ജേക്കബ് തോമസ് പറഞ്ഞു. മുൻപും പല തവണ ജേക്കബ് തോമസ് സര്‍ക്കാരിനെതിരെ കടുത്ത വിമര്‍ശനങ്ങളുയര്‍ത്തിയിട്ടുണ്ട്.
സംസ്ഥാനത്തെ നിയമവാഴ്ച തകരാറിലാണെന്ന ജേക്കബ് തോമസിന്റെ മുന്‍ പ്രസ്താവനയ്ക്ക് പിന്നാലെ സര്‍ക്കാര്‍ അദ്ദേഹത്തിനെതിരെ നടപടി സ്വീകരിച്ചിരുന്നു.