വിവാഹ മോചിതരാകുന്നെന്ന വാര്‍ത്തയുടെ സത്യാവസ്ഥ വ്യക്തമാക്കി സീമയും ഐ.വി ശശിയും
ഡൂള്‍ന്യൂസ് ഡെസ്‌ക്
Wednesday, 21st June 2017, 8:42 pm
സോഷ്യല്‍ മീഡിയയില്‍ ഏറ്റവും കൂടുതല്‍ പ്രചരിക്കുന്ന വാര്‍ത്തകളാണ് സെലിബ്രിറ്റികള്‍ വിവാഹമോചിതരാകുന്നു എന്നത്. വാലും തലയും ഇല്ലെങ്കിലും ഇത്തരം വാര്‍ത്തകള്‍ പ്രചരിപ്പിക്കുന്നവരുടെ എണ്ണം വളരെയധികമാണ്. താരദമ്പതികളെക്കുറിച്ചുള്ള വാര്‍ത്തയാണെങ്കില്‍ ഇത് കാട്ടുതീ പോലെയാണ് പ്രചരിക്കുക.
എന്നാല്‍ വാര്‍ത്തയുടെ സത്യാവസ്ഥ വ്യക്തമാക്കിയിരിക്കുകയാണ് മലയാളത്തിന്റെ പ്രിയ സംവിധായകനും നടിയും. ഐ.ഇ മലയാളത്തോടായിരുന്നു ഇരുവരുടെയും പ്രതികരണം. ഇത്തരത്തിലുള്ള വാര്‍ത്തകള്‍ പ്രചരിക്കുന്നവര്‍ക്കൊന്നും വേറെ പണിയില്ലേയെന്നായിരുന്നു വാര്‍ത്തയോട് ഐ.വി ശശി പ്രതികരിച്ച്ത. രാവിലെ മുതല്‍ ഇതിനെക്കുറിച്ച് ചോദിച്ച് പലരും വിളിക്കുകയാണെന്നും സീമ തന്റെ അടുത്ത് തന്നെയുണ്ടെന്നും ശശി പ്രതികരിച്ചപ്പോള്‍ ഇതിനോടൊന്നും പ്രതികരിക്കേണ്ട കാര്യമില്ലെന്നായിരുന്നു സീമയുടെ പ്രതികരണം.