റോം: കൊവിഡ് 19 ന്റെ പ്രഭവ കേന്ദ്രമായ ചൈനയില്‍ സ്ഥിതിഗതികള്‍ ശാന്തമാകുമ്പോള്‍ റെക്കോര്‍ഡ് മരണനിരക്ക് റിപ്പോര്‍ട്ട് ചെയ്ത് ഇറ്റലി. 4,032 പേരാണ് ഇറ്റലിയില്‍ ഇതുവരെ കൊവിഡ് ബാധിച്ച് മരണപ്പെട്ടത്.
ചൈനയില്‍ വെള്ളിയാഴ്ച റിപ്പോര്‍ട്ട് ചെയ്തത് മൂന്ന് മരണം മാത്രം. അതേസമയം ഇറ്റലിയില്‍ ഒരു ദിവസം റിപ്പോര്‍ട്ട് ചെയ്തത് 627 എണ്ണമാണ്. ഒരോ രണ്ടര മിനുട്ടിലും ഒരാളെന്ന കണക്കിലാണ് ഇറ്റലിയിലെ മരണ നിരക്ക്.
അതേസമയം ഫ്രാന്‍സിലും ഇറാനിലും സ്‌പെയിനിലും കൊവിഡ് നിയന്ത്രണാതീതമായി പടര്‍ന്നു പിടിക്കുകയാണ്.
ഇറ്റലിയിലെ മരണ സംഖ്യ ചൈനയെ മറികടന്നു. സ്‌പെയിനില്‍ 24 മണിക്കൂറിനിടെ 193 പേരാണ് മരിച്ചത്. ഇറാനില്‍ 149 പേരും ഫ്രാന്‍സില്‍ 108 പേരും മരിച്ചു. ഇറ്റലിയില്‍ മരുന്നുകള്‍ക്കും വൈദ്യ ഉപകരണങ്ങള്‍ക്കും കടുത്ത ക്ഷാമം നേരിടുന്നുണ്ട്.
