തമിഴ്, കന്നഡ, തെലുങ്ക്, മലയാളം എന്നീ ഭാഷകളില്‍ ഒരുപോലെ അഭിനയിക്കുന്ന നടിയാണ് ഐശ്വര്യ മേനോന്‍. 2012ല്‍ ബാലാജി മോഹന്‍ സംവിധാനം ചെയ്ത കാതലില്‍ സോദപ്പുവതു യെപ്പടി എന്ന തമിഴ് ചിത്രത്തിലൂടെയാണ് നടി തന്റെ സിനിമാ കരിയര്‍ ആരംഭിക്കുന്നത്.
2016ല്‍ പുറത്തിറങ്ങിയ മണ്‍സൂണ്‍ മാംഗോസ് എന്ന ഫഹദ് ഫാസില്‍ ചിത്രത്തിലൂടെയാണ് ഐശ്വര്യ മലയാളത്തില്‍ എത്തുന്നത്. പിന്നീട് തമിഴിലും തെലുങ്കിലുമെല്ലാം മികച്ച സിനിമകളുടെ ഭാഗമായ നടി രണ്ടാമതായി അഭിനയിക്കുന്ന മലയാള ചിത്രമാണ് ബസൂക്ക.
‘എനിക്ക് ഗൗതം സാറിനൊപ്പം സ്‌ക്രീന്‍ സ്‌പേസ് ഉണ്ടായിരുന്നില്ല. പക്ഷെ പേഴ്‌സണലി എനിക്ക് അറിയുന്ന ആളാണ് അദ്ദേഹം. വളരെ ബ്രില്യന്റായ ഒരു സംവിധായകനാണ്. അത് നമുക്കെല്ലാം അറിയുന്ന കാര്യമാണ്.
എല്ലാവര്‍ക്കും വര്‍ക്ക് ചെയ്യാന്‍ ആഗ്രഹമുള്ള സംവിധായകനാണ് അദ്ദേഹം. പ്രത്യേകിച്ച് ഗേള്‍സിന് കൂടെ വര്‍ക്ക് ചെയ്യാന്‍ ഏറെ ആഗ്രഹമുള്ള സംവിധായകനാണ് ഗൗതം സാര്‍.
അദ്ദേഹം നായികമാരെ കാണിക്കുന്ന രീതി നമുക്കെല്ലാം ഇഷ്ടമാണ്. എന്ത് ഭംഗിയായിട്ടാണ് അദ്ദേഹം തന്റെ നായികമാരെ സിനിമയില്‍ കാണിക്കുന്നത്. നടന്‍ എന്ന നിലയിലും അദ്ദേഹം മികച്ച ആള് തന്നെയാണ്.
ബസൂക്ക:
തിരക്കഥാരചയിതാവ് കലൂര്‍ ഡെന്നിസിന്റെ മകന്‍ ഡീനോ ഡെന്നിസ് ആദ്യമായി സംവിധാനം ചെയ്യുന്ന ചിത്രമാണ് ബസൂക്ക. ബെഞ്ചമിന്‍ ജോഷ്വാ എന്ന കഥാപാത്രമായാണ് ചിത്രത്തില്‍ മമ്മൂട്ടി എത്തുന്നത്.
Content Highlight: Iswarya Menon Talks About Gautham Vasudev Menon
