ടെല്‍ അവീവ്: ഫലസ്തീന്‍ മനുഷ്യാവകാശ സംഘടനകളുടെ ഓഫീസുകളില്‍ റെയ്ഡ് നടത്തി ഇസ്രഈല്‍ സൈന്യം. റെയ്ഡ് നടത്തിയ സംഘടനകളുടെ ഓഫീസുകള്‍ അടച്ചുപൂട്ടുകയും ചെയ്തു.
തീവ്രവാദ സംഘങ്ങളെന്ന് നേരത്തെ മുദ്രകുത്തിയ ആറ് ഫലസ്തീന്‍ സംഘടനകളുടെ ഓഫീസുകള്‍ സീല്‍ ചെയ്യുകയും നോട്ടീസ് പതിക്കുകയുമാണ് ഇസ്രഈല്‍ സൈന്യം ചെയ്തത്. വ്യാഴാഴ്ചയായിരുന്നു സംഭവം.
സെന്‍ട്രല്‍ വെസ്റ്റ് ബാങ്കിലെ ഫലസ്തീനിയന്‍ നഗരമായ റാമല്ലയിലെ സംഘടനാ ഓഫീസുകളാണ് റെയ്ഡ് നടത്തി അടച്ചുപൂട്ടിയത്.
🚨🚨Breaking: This morning, Israeli Occupation Forces (IOF) raided Al-Haq’s office in Ramallah, confiscated items and shut down the main entrance with an iron plate leaving behind a military order declaring the organization unlawful 1/2 pic.twitter.com/Y8yqRdU4Db
— Al-Haq الحق (@alhaq_org) August 18, 2022
പോപുലര്‍ ഫ്രണ്ട് ഫോര്‍ ദ ലിബറേഷന്‍ ഓഫ് ഫലസ്തീന്‍ (Popular Front for the Liberation of Palestine- PFLP) എന്ന ‘തീവ്രവാദ സംഘടന’യുടെ ശാഖകളായി ഈ സംഘടനകള്‍ പ്രവര്‍ത്തിക്കുന്നുണ്ടെന്നാണ് ഇസ്രഈല്‍ വാദം. എന്നാല്‍ ഫലസ്തീന്‍ സംഘടനകള്‍ ഇത് നിഷേധിച്ചിട്ടുണ്ട്.
BREAKING: Israeli forces broke into our Ramallah office early this morning, confiscating client files, welding the door shut, and leaving a notice ordering the organization closed. #StandWithThe6 pic.twitter.com/QM4BBjBsLM
— Defense for Children (@DCIPalestine) August 18, 2022
മനുഷ്യാവകാശ ലംഘനങ്ങള്‍ക്കെതിരായ ഉയര്‍ന്നുവരുന്ന എതിര്‍ ശബ്ദങ്ങളെയും വിമര്‍ശനങ്ങളെയും അടിച്ചമര്‍ത്താനും നിശ്ശബ്ദമാക്കാനുള്ള ഇസ്രഈലിന്റെ നീക്കമാണിതെന്ന് ഫലസ്തീന്‍ സംഘടനകള്‍ പ്രതികരിച്ചു. തങ്ങളുടെ പൊളിറ്റിക്കല്‍ ആക്ടിവിസത്തിനെതിരായ ഇസ്രഈലിന്റെ പ്രതികാര നടപടിയാണിതെന്നും അവര്‍ ആരോപിച്ചു.
