അമേരിക്കന്‍ തെരഞ്ഞെടുപ്പ് ദിനത്തില്‍ ഗ്രാമത്തില്‍ നിന്നും പുറത്താക്കിയത് 73 ഫലസ്തീനികളെ; വെസ്റ്റ് ബാങ്കില്‍ സംഭവിച്ചത്
ഡൂള്‍ന്യൂസ് ഡെസ്‌ക്
Thursday, 5th November 2020, 6:36 pm
ജോര്‍ദ്ദാന്‍: ഇസ്രഈല്‍ അധിനിവേശ വെസ്റ്റ് ബാങ്കിലെ ഗ്രാമത്തില്‍ നിന്നും അമേരിക്കന്‍ തെരഞ്ഞെടുപ്പ് ദിനത്തില്‍ ഇസ്രഈല്‍ സൈന്യം ഒഴിപ്പിച്ചത് 73 ഫലസ്തീന്‍ ജനങ്ങളെ. 41 കുട്ടികളും ഇതില്‍ ഉള്‍പ്പെടുന്നു. അടുത്ത വര്‍ഷങ്ങള്‍ക്കിടയില്‍ വെസ്റ്റ് ബാങ്കില്‍ നടന്ന ഏറ്റവും വലിയ കുടിയൊഴിപ്പിക്കലാണിത്.
വെസ്റ്റ് ബാങ്കിലെ ബെദൊയ്ന്‍ ഗ്രാമത്തിലെ വീടുകളും കന്നുകാലിശാലകളും ശൗചാലയങ്ങളും ഉള്‍പ്പെടെ തകര്‍പ്പെട്ടിട്ടുണ്ട്. നിയമവിരുദ്ധമായ നിര്‍മാണങ്ങളാണ് ഗ്രാമത്തില്‍ നടന്നതെന്നാണ് ഇസ്രഈല്‍ സൈനിക വൃത്തങ്ങള്‍ അറിയിച്ചത്. എന്നാല്‍ ഗ്രാമത്തില്‍ നിന്നും ഒഴിഞ്ഞുപോകില്ലെന്നാണ് ഫലസ്തീനികളായ പ്രദേശവാസികള്‍ പറയുന്നത്.
