ഗസ: ഇസ്രഈല്‍ ഹമാസ് ഉടമ്പടി പ്രകാരമുള്ള വെടിനിര്‍ത്തല്‍ അവസാനിച്ചതോടെ ഫലസ്തീനിലെ യുദ്ധം വര്‍ധിപ്പിക്കുന്നതിനായി ഇസ്രഈല്‍ ഭരണകൂടം ആര്‍ട്ടിഫിഷ്യല്‍ ഇന്റലിജന്റ്സ് ഉപയോഗിക്കാന്‍ ശ്രമിക്കുന്നതായി റിപ്പോര്‍ട്ട്. യുദ്ധത്തിന്റെ വ്യാപ്തി കൂട്ടുന്നതിനായി ഭരണകൂടം ഇസ്രഈല്‍ സൈന്യത്തിന് കൂടുതല്‍ അധികാരം നല്‍കിയതായാണ് സൂചന.
ഇസ്രഈല്‍ മാധ്യമസ്ഥാപനങ്ങളായ +972 മാഗസിനും ലോക്കല്‍ കോളും സംയുക്തമായി നടത്തിയ അന്വേഷണത്തിലൂടെയാണ് റിപ്പോര്‍ട്ട് പുറത്തുവന്നത്. അന്വേഷണത്തില്‍ മാധ്യമസ്ഥാപനങ്ങള്‍ മുന്‍ ഇസ്രഈല്‍ ഇന്റലിജന്റ്സ് ഉദ്യോഗസ്ഥരെയും അഭിമുഖം നടത്തിയതായും റിപ്പോര്‍ട്ട് വ്യക്തമാക്കി.
ഫലസ്തീനിലെ ആക്രമണത്തിന്റെ തോത് വര്‍ധിപ്പിക്കാനായി ഇസ്രഈല്‍ സൈന്യം ആര്‍ട്ടിഫിഷ്യല്‍ ഇന്റലിജന്റ്സ് ഉപയോഗിക്കുന്നതിനെ ‘കൂട്ടക്കൊല ഫാക്ടറി’ എന്ന് റിപ്പോര്‍ട്ട് ഇസ്രഈലിനെ വിമര്‍ശിച്ചു. യുദ്ധത്തിനായി ഇനി ബാക്കിയുള്ള എല്ലാ സാധ്യതകളും ഇസ്രഈല്‍ ഉപയോഗിക്കാന്‍ ശ്രമിക്കുന്നുണ്ടെന്ന് റിപ്പോര്‍ട്ട് ചൂണ്ടിക്കാട്ടി.
ഹമാസിന്റെ ഒരു നേതാവിനെ കൊലപ്പെടുത്തുന്നതിനായി, ഇസ്രഈല്‍ 100 ഫലസ്തീനികളെ കൊല്ലാനുള്ള അധികാരം സൈന്യത്തിന് നല്‍കിയിട്ടുണ്ടെന്ന സൂചന ഇസ്രഈല്‍ സര്‍ക്കാര്‍ ഉറവിടങ്ങളില്‍ നിന്ന് ലഭിച്ചതായി റിപ്പോര്‍ട്ട് സൂചിപ്പിക്കുന്നു.
ഫലസ്തീനിലെ സ്വകാര്യ വസതികള്‍, അടിസ്ഥാന സൗകര്യങ്ങള്‍, ഉയര്‍ന്ന ഉയരത്തിലുള്ള കെട്ടിടങ്ങള്‍ എന്നിങ്ങനെയുള്ളവയെ ഇസ്രഈല്‍ സൈന്യം പ്രധാനമായും ലക്ഷ്യം വെക്കുന്നതായിയും റിപ്പോര്‍ട്ട് ചൂണ്ടിക്കാട്ടി.
കഴിഞ്ഞ രണ്ട് മാസത്തിനുള്ളില്‍ 300ലധികം ഫലസ്തീന്‍ കുടുംബങ്ങള്‍ക്ക് നേരെ ഇസ്രഈല്‍ ബോംബാക്രമണം നടത്തിയിട്ടുണ്ട്. ഇസ്രഈലിന്റെ ആക്രമണത്തില്‍ ഒരു കുടുംബത്തിന് തന്നെ പത്തോ അതിലധികമോ കുടുംബാംഗങ്ങളെ നഷ്ട്ടപെട്ടതായാണ് കണക്കുകള്‍ സൂചിപ്പിക്കുന്നത്.
2014ല്‍ ഗസക്കെതിരെ ഇസ്രഈല്‍ നടത്തിയ മാരകമായ യുദ്ധത്തേക്കാള്‍ 15 മടങ്ങ് കൂടുതലാണ് നിലവിലെ കണക്കുകള്‍ എന്നാണ് റിപ്പോര്‍ട്ട് വ്യക്തമാക്കുന്നത്.
Content Highlight: Israel is trying to use AI widely in Palestine: report
ഇസ്രഈല്‍ ഫലസ്തീന്‍ സംഘര്‍ഷവുമായി ബന്ധപ്പെട്ട് ഡൂള്‍ന്യൂസ് പ്രസിദ്ധീകരിച്ച ലേഖനങ്ങള്‍, അഭിമുഖങ്ങള്‍
1) ഗസയുടെ 75 വര്‍ഷത്തെ ചരിത്രം; എങ്ങിനെയാണ് ഹമാസിന്റെ ആക്രമണമുണ്ടാകുന്നത്? (24/11/2023) മൈക്കൽ ആൽബർട്ട്
4) ഇസ്രഈലും അധിനിവേശവും(10/11/2023) നാസിറുദ്ധീൻ
7) ഫലസ്തീന്‍ രാഷ്ട്രീയം മാറുന്നുണ്ട് ഹമാസും(28/10/2023) കെ.ടി. കുഞ്ഞിക്കണ്ണൻ
8) ഫലസ്തീനിലേക്ക് ഇനി അധികം ദൂരമില്ല(13/10/2023) ഫാറൂഖ്
10) സമീകരിക്കാനാകില്ല ഇസ്രഈലി ഭികരതയോട് ഹമാസിനെ(08/10/2023) അനു പാപ്പച്ചൻ