ഗസക്കെതിരായ ആക്രമണത്തില്‍ ഇസ്രഈല്‍ വ്യാപകമായി എ.ഐ ഉപയോഗിക്കാന്‍ ശ്രമിക്കുന്നതായി റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Friday, 1st December 2023, 5:50 pm
ഗസ: ഇസ്രഈല്‍ ഹമാസ് ഉടമ്പടി പ്രകാരമുള്ള വെടിനിര്‍ത്തല്‍ അവസാനിച്ചതോടെ ഫലസ്തീനിലെ യുദ്ധം വര്‍ധിപ്പിക്കുന്നതിനായി ഇസ്രഈല്‍ ഭരണകൂടം ആര്‍ട്ടിഫിഷ്യല്‍ ഇന്റലിജന്റ്സ് ഉപയോഗിക്കാന്‍ ശ്രമിക്കുന്നതായി റിപ്പോര്‍ട്ട്. യുദ്ധത്തിന്റെ വ്യാപ്തി കൂട്ടുന്നതിനായി ഭരണകൂടം ഇസ്രഈല്‍ സൈന്യത്തിന് കൂടുതല്‍ അധികാരം നല്‍കിയതായാണ് സൂചന.
ഇസ്രഈല്‍ മാധ്യമസ്ഥാപനങ്ങളായ +972 മാഗസിനും ലോക്കല്‍ കോളും സംയുക്തമായി നടത്തിയ അന്വേഷണത്തിലൂടെയാണ് റിപ്പോര്‍ട്ട് പുറത്തുവന്നത്. അന്വേഷണത്തില്‍ മാധ്യമസ്ഥാപനങ്ങള്‍ മുന്‍ ഇസ്രഈല്‍ ഇന്റലിജന്റ്സ് ഉദ്യോഗസ്ഥരെയും അഭിമുഖം നടത്തിയതായും റിപ്പോര്‍ട്ട് വ്യക്തമാക്കി.
