ഒമിക്രോണിനെതിരെ വാക്‌സിന്റെ നാല് ഡോസും മതിയാകില്ല; രോഗപ്പകര്‍ച്ച തടയാന്‍ ബൂസ്റ്ററിന് സാധിച്ചില്ല; ഇസ്രഈല്‍ പഠനം
ഡൂള്‍ന്യൂസ് ഡെസ്‌ക്
Tuesday, 18th January 2022, 11:20 am
ടെല്‍ അവീവ്: ഒമിക്രോണിനെ പ്രതിരോധിക്കാന്‍ കൊവിഡ് വാക്‌സിന്റെ നാലാം ഡോസും മതിയാകില്ലെന്ന് ഇസ്രഈലില്‍ നിന്നുള്ള പഠനം.
വാക്‌സിന്റെ നാലാം ഡോസിന് ഒമിക്രോണ്‍ വകഭേദത്തിനെതിരെ പ്രവര്‍ത്തിക്കാനുള്ള ശേഷി കുറഞ്ഞ് വരികയാണെന്നാണ് ഇസ്രഈലില്‍ നടത്തിയ പരീക്ഷണപഠനം പറയുന്നത്.
ടെല്‍ അവീവിന് സമീപമുള്ള ഷെബ മെഡിക്കല്‍ സെന്ററിലെ 154 മെഡിക്കല്‍ സ്റ്റാഫുകള്‍ ചേര്‍ന്നാണ് പഠനം നടത്തിയത്. ഫൈസര്‍ വാക്‌സിന്റെ നാലാം ഡോസിന് നേരിയ തോതില്‍ മാത്രമേ വൈറസ് വകഭേദത്തിനെതിരെ പ്രവര്‍ത്തിക്കാന്‍ കഴിഞ്ഞുള്ളൂ എന്നാണ് പഠനറിപ്പോര്‍ട്ടില്‍ പറയുന്നത്.
ഡെല്‍റ്റ അടക്കം കൊവിഡിന്റെ മുമ്പത്തെ വകഭേദങ്ങളുമായി താരതമ്യപ്പെടുത്തുമ്പോള്‍, ഒമിക്രോണിനെതിരെ ഫൈസര്‍ വാക്‌സിന് കുറഞ്ഞ പ്രവര്‍ത്തനക്ഷമതയാണ്.
