കവരത്തിയില്‍ ജയില്‍ കോംപ്ലക്‌സ്; 14 കോടിയുടെ ടെന്‍ഡര്‍ ക്ഷണിച്ച് ദ്വീപ് അഡ്മിനിസ്‌ട്രേഷന്‍
ഡൂള്‍ന്യൂസ് ഡെസ്‌ക്
Friday, 18th February 2022, 11:06 pm
കൊച്ചി: കവരത്തിയില്‍ ജയില്‍ നിര്‍മിക്കാന്‍ ടെന്‍ഡര്‍ ക്ഷണിച്ച് ദ്വീപ് അഡ്മിനിസ്‌ട്രേഷന്‍. 14,90,56,000 രൂപയുടെ ടെന്‍ഡറിനാണ് കോണ്‍ട്രാക്ട് ക്ഷണിച്ചിരിക്കുന്നത്. അഡ്മിനിസ്‌ട്രേറ്ററുടെ ജനവിരുദ്ധ പരിഷ്‌കാരങ്ങളുടെ പരിണതഫലമായി ദുരിതങ്ങളില്‍ ലക്ഷദ്വീപ് നിവാസികള്‍ ബുദ്ധിമുട്ടുന്നടിനിടയിലാണ് പുതിയ നടപടി.
ദ്വീപിലെ ജനങ്ങളുടെ പ്രധാന വരുമാനമാര്‍ഗങ്ങളിലൊന്നായ കൊപ്ര വിപണനവും ആശങ്കയിലായിരിക്കുകയാണ്.
മുമ്പ് സര്‍ക്കാര്‍ സഹകരണത്തോടെ കൊപ്ര സംഭരിച്ച് വില്‍പന നടത്തി കോഓപറേറ്റിവ് സൊസൈറ്റികളില്‍നിന്ന് സര്‍ക്കാര്‍ ജീവനക്കാരെ പൂര്‍ണമായി പിന്‍വലിക്കുകയും സൊസൈറ്റികള്‍ക്ക് നല്‍കിവന്നിരുന്ന ഫണ്ട് നിര്‍ത്തലാക്കുകയും ചെയ്തു.
