ഇസ്‌ലാമിക് പഠനത്തിനാണ് പ്രാധാന്യം, ശാസ്ത്രത്തിനല്ല; കാബൂള്‍ സര്‍വകാലാശാലയുടെ പുതിയ ചാന്‍സിലര്‍
ഡൂള്‍ന്യൂസ് ഡെസ്‌ക്
Thursday, 23rd September 2021, 4:45 pm
കാബൂള്‍: കാബൂള്‍ സര്‍വകലാശാലയുടെ പുതിയ ചാന്‍സലറായി മുഹമ്മദ് അഷ്‌റഫ് ഗൈറത്തിനെ താലിബാന്‍ നിയമിച്ചു. മുഹമ്മദ് ഉസ്മാന്‍ ബാബുരിയെ നീക്കിക്കൊണ്ടാണ് ഗൈറത്തിനെ നിയമിച്ചിരിക്കുന്നത്.
പരിചയസമ്പന്നനും പി.എച്ച്.ഡി ഹോള്‍ഡറുമായ ബാബുരിയെ മാറ്റി ഗൈറത്തിനെ ചാന്‍സിലര്‍ ആക്കിയ താലിബാന്റെ നടപടി വ്യാപകമായി വിമര്‍ശിക്കപ്പെടുന്നുണ്ട്.
അതേസമയം, ഉന്നത വിദ്യാഭ്യാസ മന്ത്രാലയം ആസൂത്രണം ചെയ്ത പദ്ധതികള്‍ അനുസരിച്ച് തങ്ങള്‍ മുന്നോട്ട് പോകുമെന്നാണ് ഗൈറത്തി പറഞ്ഞിരിക്കുന്നത്.
”ഞങ്ങള്‍ സ്ത്രീകള്‍ക്കും പുരുഷന്മാര്‍ക്കും വെവ്വേറെ ക്ലാസുകളുണ്ടാക്കും, എല്ലാവര്‍ക്കും, പ്രത്യേകിച്ച് സ്ത്രീകള്‍ക്ക് ഒരു ഇസ്‌ലാമിക അന്തരീക്ഷം നല്‍കുക എന്നതാണ് ഞങ്ങളുടെ പ്രാഥമിക ശ്രദ്ധ,” ഗൈറത്ത് പറഞ്ഞു.
