തെൽ അവീവ്: ഹമാസുമായുള്ള യുദ്ധം അവസാനിച്ചാൽ ഗസയിലെ പള്ളികളെയും സ്കൂളുകളെയും ‘വിഷലിപ്തമായ’ പ്രത്യയശാസ്ത്രത്തിൽ നിന്ന് ശുദ്ധീകരിക്കുമെന്ന് ഇസ്രഈൽ പ്രധാനമന്ത്രി ബെഞ്ചമിൻ നെതന്യാഹു.
എക്സ് ഉടമയും ശതകോടീശ്വരനുമായ ഇലോൺ മസ്കുമായി എക്‌സിൽ ലൈവ് സ്ട്രീം ചെയ്ത അഭിമുഖത്തിൽ സംസാരിക്കുകയായിരുന്നു അദ്ദേഹം.
തീവ്രവാദത്തെ തുടച്ചുനീക്കിയ മുസ്‌ലിം രാജ്യങ്ങൾക്ക് ഉദാഹരണമായി സമ്പന്നമായ ഗൾഫ് രാഷ്ട്രങ്ങളെ നെതന്യാഹു ചൂണ്ടിക്കാണിച്ചു.
ഹമാസിന്റെ നാശം ഗസയിലെ വ്യവസ്ഥാപിതമായ മാറ്റങ്ങൾക്ക് മുന്നോടിയായിരിക്കുമെന്നും അദ്ദേഹം പറഞ്ഞു.
‘ ഹമാസിന്റെ നാശത്തിനുശേഷം ഗസയിൽ നിന്ന് നമ്മൾ സൈനികരെ പിൻവലിക്കും. ഗസയിൽ നിന്ന് നമുക്ക് തീവ്രവാദം തുടച്ചുനീക്കേണ്ടതുണ്ട്. അതിന് കുറച്ച് സമയം എടുക്കും.
പ്രത്യേകിച്ച് സ്കൂളുകളിലും പള്ളികളിലും ചെയ്യേണ്ട കാര്യങ്ങൾ. അവിടെ വെച്ചാണ് കുട്ടികൾ മൂല്യങ്ങൾ സ്വായത്തമാക്കുന്നത്. അതിനുശേഷം നമുക്ക് ഗസയെ പുനർ നിർമിക്കേണ്ടതുണ്ട്,’ നെതന്യാഹു പറഞ്ഞു.
‘ഗസയിലെ തീവ്രവാദം തുടച്ചുനീക്കാൻ ആദ്യം നിങ്ങൾ വിഷലിപ്തമായ ഭരണകൂടത്തെ ഇല്ലാതാക്കണം. രണ്ടാം ലോകമഹായുദ്ധ സമയത്ത് ജർമനിയിലും ജപ്പാനിലും നമ്മൾ ചെയ്ത പോലെ,’ നെതന്യാഹു പറഞ്ഞു.
അറബ് രാഷ്ട്രങ്ങളായ യു.എ.ഇയും ബഹ്റൈനും ഈ പ്രക്രിയയിലൂടെ കടന്നുപോയതിന് ഉദാഹരണങ്ങളാണെന്നും സൗദി അറേബ്യയിലും ഒരു പരിധിവരെ ഇത് നടക്കുന്നതായും നെതന്യാഹു പറഞ്ഞു.
CONTENT HIGHLIGHT: Islam in Gaza needs radical changes – Netanyahu
ഇസ്രഈല്‍ ഫലസ്തീന്‍ സംഘര്‍ഷവുമായി ബന്ധപ്പെട്ട് ഡൂള്‍ന്യൂസ് പ്രസിദ്ധീകരിച്ച ലേഖനങ്ങള്‍, അഭിമുഖങ്ങള്‍
1) ഗസയുടെ 75 വര്‍ഷത്തെ ചരിത്രം; എങ്ങിനെയാണ് ഹമാസിന്റെ ആക്രമണമുണ്ടാകുന്നത്? (24/11/2023)
3) ബ്രീട്ടീഷ് ഇന്ത്യയിലെ പാഠപുസ്തകത്തിലുള്ള ഫലസ്തീനും ഭൂപടത്തിലില്ലാത്ത ഇസ്രഈലും (21/11/2023)
4) ഇസ്രഈലും അധിനിവേശവും(10/11/2023)
5) ഫലസ്തീനികളില്‍ ചെറിയൊരു വിഭാഗം എന്ത്‌കൊണ്ട് അക്രമാസക്തരാകുന്നു; ആറ് ചരിത്ര കാരണങ്ങള്‍(31/10/2023)
7) ഫലസ്തീന്‍ രാഷ്ട്രീയം മാറുന്നുണ്ട് ഹമാസും(28/10/2023)
8) ഫലസ്തീനിലേക്ക് ഇനി അധികം ദൂരമില്ല(13/10/2023)
10) സമീകരിക്കാനാകില്ല ഇസ്രഈലി ഭികരതയോട് ഹമാസിനെ(08/10/2023)