സോഷ്യല്‍ മീഡിയയിലൂടെ ഐ.എസ് പ്രചാരണം; മൂന്ന് മലയാളി യുവാക്കള്‍ക്കെതിരെ എന്‍.ഐ.എ കുറ്റപത്രം
ഡൂള്‍ന്യൂസ് ഡെസ്‌ക്
Wednesday, 8th September 2021, 7:55 pm
ന്യൂദല്‍ഹി: സോഷ്യല്‍മീഡിയ വഴി ഇസ്‌ലാമിക് സ്റ്റേറ്റ് അനുകൂല പ്രചാരണം നടത്തിയെന്ന് കാണിച്ച് മൂന്ന് മലയാളി യുവാക്കള്‍ക്കെതിരെ എന്‍.ഐ.എ കുറ്റപത്രം.
മലപ്പുറം സ്വദേശി മുഹമ്മദ് ആമീന്‍ എന്ന അബു യാഹിയ, കണ്ണൂരില്‍ നിന്നുള്ള മുഷബ് അന്‍വര്‍, കൊല്ലം സ്വദേശി റഹീസ് റഷീദ് എന്നിവര്‍ക്കെതിരെയാണ് എന്‍.ഐ.എ ദല്‍ഹി കോടതിയില്‍ കുറ്റപത്രം നല്‍കിയത്.
ഐ.എസ് അനുകൂല പ്രചരണം നടത്തിയെന്നും യുവാക്കളെ സംഘടനയിലേക്ക് റിക്രൂട്ട് ചെയ്‌തെന്നുമാണ് കുറ്റപത്രത്തില്‍ ഉള്ളത്. ഐ.പി.സി, യു.എ.പി.എ എന്നിവയുടെ വിവിധ വകുപ്പുകള്‍ പ്രകാരം പത്ത് പേര്‍ക്കെതിരെയാണ് എന്‍.ഐ.എ കേസെടുത്തിരിക്കുന്നത്.
