സോഷ്യല്‍ മീഡിയിയയില്‍ ഒരു വലിയ സംവാദം നടക്കുകയാണ്. മലയാള സിനിമയിലെ സൂപ്പര്‍താരങ്ങളായ മമ്മൂട്ടിക്കും മോഹന്‍ലാലിനും പിന്‍ഗാമി ആരാണ് എന്നതാണ് ചര്‍ച്ചാ വിഷയമായ പ്രശ്‌നം. മലയാളത്തിലെ യുവതാരങ്ങളില്‍ ചിലരെ ഉയര്‍ത്തിയാണ് ഈ സംവാദങ്ങള്‍ നടക്കുന്നത്. പ്രേമം എന്ന അല്‍ഫോണ്‍സ് പുത്രന്‍ ചിത്രം മറ്റ് മലയാള ഹിറ്റ് ചിത്രങ്ങളേയെല്ലാം പിന്തള്ളി സൂപ്പര്‍ ഹിറ്റായതോടെ ജനപ്രീതി നേടിയ നിവിന്‍ പോളിയാണ് ഈ സംവാദങ്ങളില്‍ മുന്നില്‍ നില്‍ക്കുന്നത്.
പ്രേമത്തിന്റെ വന്‍ വിജയം നിവിന്‍ പോളിക്ക് ഒരു യങ്‌സൂപ്പര്‍സ്റ്റാര്‍ പദവി നല്‍കിയിരിക്കുകയാണ് ഇപ്പോള്‍. അതുകൊണ്ടു തന്നെ എന്നും യുവത്വത്തിന്റെയും യുവാക്കളുടേയും ഹരമായിരുന്ന മോഹന്‍ലാലിനു പകരക്കാരനായി നിവിന്‍ പോളിയെ തന്നെയാണ് സോഷ്യല്‍ മീഡിയ മുന്നില്‍ നിര്‍ത്തുന്നത്. ആസിഫ് അലിയേയും മോഹന്‍ലാലിന് പിന്‍ഗാമിയായി വാദിക്കുന്നവരും ഉണ്ട്. ഇന്റര്‍ നാഷണല്‍ ചളു യൂണിയന്റെ ചില പോസ്റ്റുകള്‍ സോഷ്യല്‍ മീഡിയയില്‍ നടക്കുന്ന ഈ സംവാദങ്ങളെ വരച്ചുകാട്ടുന്നു.
