പാകിസ്ഥാന്‍-അയര്‍ലാന്‍ഡ് മൂന്ന് ടി-20 മത്സരങ്ങളുടെ പരമ്പരയിലെ ആദ്യ മത്സരത്തില്‍ അയര്‍ലാന്‍ഡിന് അഞ്ച് വിക്കറ്റിന്റെ തകര്‍പ്പന്‍ ജയം.
ക്ലോണ്‍ടാര്‍ഫ് ക്രിക്കറ്റ് ക്ലബ്ബില്‍ നടന്ന മത്സരത്തില്‍ ടോസ് നേടിയ അയര്‍ലാന്‍ഡ് പാകിസ്ഥാനെ ബാറ്റിങ്ങിനയക്കുകയായിരുന്നു. ആദ്യം ബാറ്റ് ചെയ്ത പാകിസ്ഥാന്‍ 20 ഓവറില്‍ ആറ് വിക്കറ്റ് നഷ്ടത്തില്‍ 152 റണ്‍സ് ആണ് നേടിയത് വിജയലക്ഷ്യം പിന്തുടര്‍ന്നിറങ്ങിയ അയര്‍ലാന്‍ഡ് 19.5 ഓവറില്‍ അഞ്ച് വിക്കറ്റുകള്‍ ബാക്കിനില്‍ക്കെ ലക്ഷ്യം മറികടക്കുകയായിരുന്നു.
പാകിസ്ഥാന്‍ ബൗളിങ്ങില്‍ അബ്ബാസ് അഫ്രീദി രണ്ട് വിക്കറ്റും ഷഹീന്‍ അഫ്രീദി,നസീം ഷാ, ഇമാദ് വസീം എന്നിവര്‍ ഓരോ വിക്കറ്റും നേടി.
ജയത്തോടെ മൂന്നു മത്സരങ്ങളുടെ പരമ്പരയില്‍ 1-0ത്തിന് മുന്നിലെത്താനും അയര്‍ലാന്‍ഡിന് സാധിച്ചു. പരമ്പരയിലെ രണ്ടാം മത്സരം മെയ് 12നാണ് നടക്കുന്നത്. ക്ലോണ്‍ടാര്‍ഫ് ക്രിക്കറ്റ് ക്ലബ്ബിലാണ് മത്സരം നടക്കുക.
