റോയല്‍ ചലഞ്ചേഴ്‌സ് ബാംഗ്ലൂരിനൊപ്പം വര്‍ഷങ്ങളായി വിരാട് കോഹ്‌ലിയുടെ കൂടെ നെടുംതൂണായിരുന്ന താരമായിരുന്നു ദക്ഷിണാഫ്രിക്കയുടെ എ.ബി. ഡിവില്ലിയേഴ്‌സ്. സഹതാരം എന്നതിലുപരി കോഹ്‌ലിയുടെ അടുത്ത സുഹൃത്തായിരുന്നു എ.ബി.ഡി. ഐ.പി.എല്ലിന്റെ പതിനഞ്ചാം സീസണില്‍ ക്യാപ്റ്റനല്ലാതെ ആര്‍.സി.ബിക്കായി കോഹ്‌ലി കളത്തിലിറങ്ങുമ്പോല്‍ ഡിവില്ലേയേഴ്‌സിനെയാണ് ഏറ്റവും മിസ് ചെയ്യുന്നതെന്ന് പറയുകയാണ് കോഹ്‌ലി.
ബാംഗ്ലൂര്‍ ഐ.പി.എല്‍ കിരീടം നേടിയാല്‍ ഞാന്‍ ആദ്യം ഓര്‍ക്കുക എ.ബി ഡിവില്ലിയേഴ്‌സിനെയായിരിക്കും. എ.ബി.ഡി തന്റെ ജീവിതത്തില്‍ ഏതെങ്കിലും തരത്തില്‍ സ്വാധീനിച്ചിട്ടില്ലയെന്ന് ആര്‍.സി.ബിയിലുള്ള ആര്‍ക്കും പറയാന്‍ കഴിയില്ലെന്നും കോഹ്‌ലി പറഞ്ഞു.
‘കഴിഞ്ഞ ദിവസങ്ങളില്‍ ഞാന്‍ അതിനെകുറിച്ച് ചിന്തിക്കുകയായിരുന്നു. വരും സീസണുകളില്‍ ആര്‍.സി.ബിക്ക് കിരീടം നേടാന്‍ സാധിച്ചാല്‍ ഞാന്‍ അവനെകുറിച്ചോര്‍ത്ത് ഇമോഷണലാകും,’ കോഹ്‌ലി പറഞ്ഞു.
എ.ബി.ഡി പ്രത്യേക മനുഷ്യനാണ്. അവന്‍ ഇവിടെ ഞങ്ങളുടെയെല്ലാവരുടെയും ജീവിതത്തെ സ്പര്‍ശിച്ചയാളാണ്. ഡിവില്ലിയേഴ്‌സ് ആര്‍.സി.ബി വിടുന്നത് സംബന്ധിച്ച് എനിക്ക് വോയ്‌സ് നോട്ട് അയച്ചപ്പോള്‍ താന്‍ വളരെ വികാരാധീതനായെന്നും കോഹ്‌ലി കൂട്ടിച്ചേര്‍ത്തു.
It’s not just you fans, even @imVkohli misses @ABDeVilliers17 at RCB, and he opens up about their bond, the memories they’ve shared, and much more, on @KreditBee presents Bold Diaries.#PlayBold #WeAreChallengers #IPL2022 #Mission2022 #RCB #ನಮ್ಮRCB pic.twitter.com/WXNfsqe3L6
— Royal Challengers Bangalore (@RCBTweets) March 29, 2022
