ഇറാഖ് പ്രധാനമന്ത്രി മുസ്തഫ അത്-ഖാദിമിയ്ക്ക് നേരെ ബാഗ്ദാദില്‍ വധശ്രമം; ഖാദിമി സുരക്ഷിതനെന്ന് റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Sunday, 7th November 2021, 9:24 am
ബാഗ്ദാദ്: ഇറാഖ് പ്രധാനമന്ത്രി മുസ്തഫ അത്-ഖാദിമിയ്ക്ക് നേരെ ബാഗ്ദാദില്‍ വെച്ച് വധശ്രമമുണ്ടായതായി റിപ്പോര്‍ട്ട്. സ്‌ഫോടക വസ്തുക്കള്‍ നിറച്ച ഡ്രോണ്‍ ഖാദിമിയുടെ വസതിയ്ക്ക് നേരെ വരികയായിരുന്നു.
ഖാദിമി പരിക്കുകളൊന്നുമില്ലാതെ രക്ഷപ്പെട്ടു. സുരക്ഷാ സേനയിലുണ്ടായിരുന്ന ആറ് പേര്‍ക്ക് പരിക്കേറ്റതായാണ് വിവരം.
ഞായറാഴ്ച രാവിലെയായിരുന്നു പ്രധാനമന്ത്രിയുടെ ബാഗ്ദാദിലെ ‘ഗ്രീന്‍ സോണി’ലെ വസതിയ്ക്ക് നേരെ ആക്രമണമുണ്ടായത്. ഇറാഖി സൈന്യമാണ് വധശ്രമമായിരുന്നെന്ന് അറിയിച്ചത്.
ആളുകള്‍ പരിഭ്രാന്തരാകരുതെന്നും സംയമനം പാലിക്കണമെന്നും പ്രധാനമന്ത്രി ട്വീറ്റിലൂടെ അറിയിച്ചു. ഖാദിമി ആശുപത്രിയിലാണെന്ന തരത്തില്‍ ആദ്യം റിപ്പോര്‍ട്ടുകള്‍ വന്നിരുന്നു.
