തെഹ്‌റാന്‍: ഇറാനില്‍ ഫുട്ബോള് സ്റ്റേഡിയത്തില് പ്രവേശിച്ചതിന് അറസ്റ്റിലായ ഇറാനിയന്‍ യുവതി ആത്മഹത്യ ചെയ്തു. കഴിഞ്ഞയാഴ്ച കോടതിയ്ക്ക് പുറത്ത് സ്വയം തീകൊളുത്തിയ സഹര്‍ ഖൊദൈരിയാണ് തെഹ്‌റാനിലെ ആശുപത്രിയില്‍ മരിച്ചത്. സ്റ്റേഡിയത്തില് കയറാന്‍ ശ്രമിച്ചതിന് ആറുമാസം വരെ ജയില്‍ശിക്ഷ ലഭിച്ചേക്കാമെന്ന വിവരം ലഭിച്ചതിനെ തുടര്‍ന്നാണ് സഹര്‍ ആത്മഹത്യയ്ക്ക് ശ്രമിച്ചത്.
Iran’s #BlueGirl, who set herself on fire after she was arrested for trying to enter a football stadium, has died. Iran is the only country in the world that bans & punishes women for seeking to enter stadiums. We call for this discriminatory ban to end. https://t.co/CNrmRIIjKk
— Amnesty International (@amnesty) September 10, 2019
ഇറാന്റെ ‘ബ്ലൂഗേള്‍’ എന്നറിയപ്പെടുന്ന സഹര്‍ തന്റെ ഇഷ്ട ടീമായ എസ്‌തെഗ്‌ലലിന്റെ കളി കാണാന്‍ പുരുഷ വേഷത്തില്‍ സ്റ്റേഡിയത്തില് എത്തിയപ്പോഴാണ് അറസ്റ്റ് ചെയ്യപ്പെട്ടിരുന്നത്. ക്ലബ്ബിന്റെ ജെഴ്‌സിയുടെ നിറം നീലയായതിനാലാണ് അവരെ ‘ബ്ലൂഗേള്‍’ എന്ന് വിളിച്ചിരുന്നത്.
മാര്‍ച്ച് മാസത്തിലായിരുന്നു സംഭവം. അന്ന് മൂന്നു ദിവസം ജയിലില്‍ കിടന്ന ശേഷമാണ് സഹര്‍ മോചിപ്പിക്കപ്പെട്ടത്. കേസില്‍ വിചാരണ അവസാനിച്ചിരുന്നില്ല.
