ഇന്ത്യന്‍ പ്രീമിയര്‍ ലീഗിന്റെ പതിനൊന്നാം സീസണ്‍ പ്രഖ്യാപിച്ചപ്പോള്‍ തന്നെ ആരാധകര്‍ ആവേശത്തിന്റെ കൊടുമുടിയിലേറിയിരുന്നു. തങ്ങളുടെ പോരാളികള്‍ ആരെല്ലാമാണെന്നറിയാനുള്ള ആകാംക്ഷയായിരുന്നു പിന്നീട്. എന്നാല്‍ ലേലം കഴിഞ്ഞതോടെ ആ കാത്തിരിപ്പിനും വിരാമമായി.
ഐ.പി.എല്‍ മത്സരങ്ങല്‍ തുടങ്ങാന്‍ രണ്ടുമാസത്തോളം ഇനിയുമുണ്ടെങ്കിലും സോഷ്യല്‍ മീഡിയയിലെ പോര് ഇതിനകം ആരംഭിച്ചുകഴിഞ്ഞു. സ്വന്തമായി ടീം ഇല്ലെങ്കിലും ഐ.പി.എല്ലിലെ ഏതാണ്ട് എല്ലാ ടീമിനും കേരളത്തില്‍ ആരാധകരുണ്ട്. താരങ്ങളുടെ വ്യക്തിഗത മികവാണ് ചിലരെ ആരാധകരാക്കിയതെങ്കില്‍ ടീമിന്റെ കെട്ടുറപ്പുകൊണ്ടാണ് മറ്റു ചിലര്‍ ആരാധകരായത്.
എതിരാളികളെ കളിയാക്കിയും സ്വന്തം ടീമിന്റെ മേന്മ ഉയര്‍ത്തിയുമെല്ലാമാണ് സോഷ്യല്‍ മീഡിയയില്‍ ഐ.പി.എല്‍ ആരാധകരുടെ ട്രോള്‍വാര്‍ കൊഴുക്കുന്നത്. ഐ.പി.എല്ലില്‍ തിളങ്ങാന്‍ കഴിയാതെ പോയെ സ്വന്തം ടീമിനെ കൈവിടാത്ത ആരാധകരേയും ഇവിടെ കാണാം. ആരാധനയ്ക്കപ്പുറം ക്രിക്കറ്റ് എന്ന വികാരത്തെ മാത്രം ജ്വലിപ്പിച്ചുകൊണ്ടുള്ള ട്രോളുകളും കാണാം.
ഐ.എസ്.എല്‍ ഫുട്‌ബോള്‍ ടൂര്‍ണമെന്റ് നടന്നുകൊണ്ടിരിക്കുകയാണെങ്കിലും ഐ.പി.എല്‍ ക്രിക്കറ്റിനേയും ആവേശത്തോടെ തന്നെയാണ് ആരാധകര്‍ കൊണ്ടാടാനൊരുങ്ങുന്നത്. “ട്രോള്‍ ക്രിക്കറ്റ് മലയാളം” എന്ന ഫേസ്ബുക്ക് ഗ്രൂപ്പിലാണ് പ്രധാനമായും ട്രോളുകതള്‍ പ്രത്യക്ഷപ്പെടുന്നത്.
ഐ.പി.എല്‍ ട്രോളുകള്‍ ആസ്വദിക്കാം:
ട്രോളുകള്‍ അവസാനിക്കുന്നില്ല….
ട്രോളുകള്‍ക്ക് കടപ്പാട്: ട്രോള്‍ ക്രിക്കറ്റ് മലയാളം