ഡൂള്‍ന്യൂസ് ഡെസ്‌ക്11 min
ഐ.പിഎല്ലില്‍ ഏറെ ആരാധകരുള്ള ടീമുകളാണ് ബെംഗളൂരു റോയല്‍ ചാലഞ്ചേഴ്‌സും തലയുടെ ചെന്നൈ സൂപ്പര്‍ കിംഗ്‌സും. ടീമിന്റെ മത്സരം നടക്കുമ്പോള്‍ ആരാധകര്‍ അക്ഷരാര്‍ത്ഥത്തില്‍ സ്‌റ്റേഡിയം കയ്യടക്കാറാണ് പതിവ്.
ചെന്നൈയുടെ മത്സരദിവസം ആരാധകര്‍ സ്റ്റേഡിയമൊന്നാകെ മഞ്ഞയില്‍ കുളിപ്പിക്കുമ്പോള്‍, ബെംഗളൂരു ആരാധകര്‍ സ്‌റ്റേഡിയത്തെ ചെങ്കടലാക്കാറാണ് പതിവ്. ഇരുവരുടെയും ഹോം സ്‌റ്റേഡിയങ്ങളിലാണ് മത്സരമെങ്കില്‍ പറയുകയും വേണ്ട.
ഇരുടീമുകളുടെയും ആരാധകരുടെ പവര്‍ എത്രത്തോളമുണ്ടെന്നാണ് പുതിയ കണക്കുകള്‍ വ്യക്തമാക്കുന്നത്. ഫാന്‍സ് ഇറങ്ങിത്തിരിച്ചപ്പോള്‍ ഇരുവര്‍ക്കും കിട്ടിയത് മികച്ച റെക്കോഡും ബാഴ്‌സയും റയലും പി.എസ്.ജിയടക്കമുള്ള ഭീമന്‍മാര്‍ ഉള്‍പ്പെടുന്ന എലൈറ്റ് ലിസ്റ്റിലെ സ്ഥാനവും.
കഴിഞ്ഞ വര്‍ഷത്തിലെ സോഷ്യല്‍ മീഡിയ എന്‍ഗേജ്‌മെന്റിന്റെ കാര്യത്തിലാണ് ഇരുവരും മോസ്റ്റ് പോപ്പുലര്‍ ടീമുകളുടെ ആദ്യ പത്തിലെത്തിയിരിക്കുന്നത്. ലോകത്തെ എല്ലാ ക്ലബ്ബുകളില്‍ നിന്നുമാണ് ആദ്യ പത്തിലെത്തിയത് എന്നതാണ് ഇക്കാര്യത്തിലെ ഹൈലൈറ്റ്. ലിസ്റ്റില്‍ ഇടം പിടിച്ച ക്രിക്കറ്റ് ക്ലബ്ബുകള്‍ ഇവര്‍ മാത്രവുമാണ്.
2.6 ബില്യണോടെ മാഞ്ചസ്റ്റര്‍ യുണൈറ്റഡാണ് പട്ടികയില്‍ ഒന്നാം സ്ഥാനത്ത്. 2.3 ബില്യണോടെ ബാഴ്‌സലോണ രണ്ടാം സ്ഥാനത്തും 1.3 ബില്യണോടെ റയല്‍ മാഡ്രിഡ് മൂന്നാം സ്ഥാനത്തുമാണ്.
820 മില്യണാണ് റോയല്‍ ചാലഞ്ചേഴ്‌സിന്റെ എന്‍ഗേജ്‌മെന്റ്. പട്ടികയില്‍ എട്ടാം സ്ഥാനത്താണ് ആര്‍.സി.ബി. 752 മില്യണോടെ ഒമ്പതാം സ്ഥാനത്താണ് ചെന്നൈ സൂപ്പര്‍ കിംഗ്‌സ്.
2021 ഏപ്രിലില്‍ എല്ലാവരേയും പിന്തള്ളി ആര്‍.സി.ബി പട്ടികയില്‍ ഒന്നാമതെത്തിയിരുന്നു. 265 മില്യണായിരുന്നു അന്ന് ബെംഗളൂരുവിനുണ്ടായിരുന്ന സോഷ്യല്‍ മീഡിയ എന്‍ഗേജ്‌മെന്റ്. 205 മില്യണോടെ ബാഴ്‌സലോണയ്ക്ക് തൊട്ടു താഴെ മൂന്നാമതായിരുന്നു ചെന്നൈ.
ഐ.പി.എല്ലിന്റെ പുതിയ സീസണ്‍ തുടങ്ങാനിരിക്കെ ആരാധകര്‍ ഒപ്പമുണ്ട് എന്ന ആത്മവിശ്വാസത്തിലാണ് ഇരുവരും മുന്നോട്ട് കുതിക്കുന്നത്.
📲💥 TOP 3 sports teams in the world with the highest social media engagement during april 2021! (total interactions)
1.@RCBTweets 265M 🏏
2.@FCBarcelona 244M ⚽
3.@ChennaiIPL 205M 🏏#twitter #instagram #facebook #youtube #tiktok pic.twitter.com/7vbk0Cl3qt
— Deportes&Finanzas® (@DeporFinanzas) May 29, 2021
സോഷ്യല്‍ മീഡിയ എന്‍ഗേജ്‌മെന്റിലെ മോസ്റ്റ് പോപ്പുലര്‍ ടീമുകളുടെ പട്ടിക
1. മാഞ്ചസ്റ്റര്‍ യുണൈറ്റഡ് 2.6 ബില്യണ്‍
2. എഫ്.സി ബാഴ്‌സലോണ 2.3 ബില്യണ്‍
3. റയല്‍ മാഡ്രിഡ് 1.3 ബില്യണ്‍
4. പി.എസ്.ജി 1.2 ബില്യണ്‍
5. ചെല്‍സി എഫ്.സി 1.2 ബില്യണ്‍
6. ലിവര്‍പൂള്‍ എഫ്.സി 1.1 ബില്യണ്‍
7. എഫ്. സി ഗലറ്റാസരേ 857 മില്യണ്‍
8. റോയല്‍ ചാലഞ്ചേഴ്‌സ് ബെംഗളൂരു 820 മില്യണ്‍
9. ചെന്നൈ സൂപ്പര്‍ കിംഗ്‌സ് 752 മില്യണ്‍
10. ഫ്‌ളമിംഗോ എഫ്.സി 699 മില്യണ്‍
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content highlight: IPL teams reach another landmark, RCB, CSK now in top 10 most popular teams on social media in the world
