ഐ.പി.എല്‍ 2023ലെ ആദ്യ മത്സരത്തില്‍ ചെന്നൈ സൂപ്പര്‍ കിങ്‌സിന് മുമ്പില്‍ 174 റണ്‍സിന്റെ ടോട്ടല്‍ പടുത്തുയര്‍ത്തി റോയല്‍ ചലഞ്ചേഴ്സ് ബെംഗളൂരു. ആറാം വിക്കറ്റില്‍ അനുജ് റാവത്തിന്റെയും ദിനേഷ് കാര്‍ത്തിക്കിന്റെയും ചെറുത്ത് നില്‍പിലാണ് ആര്‍.സി.ബി സ്‌കോര്‍ ഉയര്‍ത്തിയത്.
25 പന്തില്‍ 48 റണ്‍സ് നേടിയ അനുജ് റാവത്തും 26 പന്തില്‍ പുറത്താകാതെ 38 റണ്‍സ് നേടിയ ദിനേഷ് കാര്‍ത്തിക്കുമാണ് ആര്‍.സി.ബിക്ക് തുണയായത്. 78ന് അഞ്ച് എന്ന നിലയില്‍ നിന്നുമാണ് ഇരുവരും ചേര്‍ന്ന് 173 റണ്‍സിലെത്തിച്ചത്.
Innings Break!
Anuj Rawat & Dinesh Karthik fire with the bat to power @RCBTweets to 173/6 🙌 🙌
Mustafizur Rahman stars with the ball for @ChennaiIPL 👌 👌
മത്സരത്തില്‍ അഞ്ച് വിക്കറ്റുകളാണ് ചെന്നൈ ബൗളര്‍മാര്‍ സ്വന്തമാക്കിയത്. മുസ്തഫിസുര്‍ റഹ്‌മാന്‍ നാല് വിക്കറ്റ് നേടിയപ്പോള്‍ ദീപക് ചഹറാണ് ശേഷിക്കുന്ന വിക്കറ്റ് നേടിയത്. അനുജ് റാവത്തിനെ ധോണി റണ്‍ ഔട്ടാക്കുകയായിരുന്നു.
തന്റെ സ്‌പെല്ലിലെ ആദ്യ രണ്ട് ഓവറിലാണ് താരം നാല് വിക്കറ്റും നേടിയത്. നാല് ഓവറില്‍ 29 റണ്‍സിന് നാല് വിക്കറ്റാണ് താരം സ്വന്തമാക്കിയത്. 7.25 ആണ് താരത്തിന്റെ എക്കോണമി.
ആദ്യ മൂന്ന് ഓവറില്‍ 13 റണ്‍സ് മാത്രം വഴങ്ങിയ മുസ്തഫിസുര്‍ അവസാന ഓവറില്‍ 16 റണ്‍സ് വഴങ്ങിയതോടെയാണ് എക്കോണമി വര്‍ധിച്ചത്.
നേരത്തെ, ബംഗ്ലാദേശ്- ശ്രീലങ്ക പരമ്പരയില്‍ താരത്തിന് പരിക്കേറ്റിരുന്നു. പേശിവലിവ് കാരണം നടക്കാന്‍ പോലും സാധിക്കാതിരുന്ന മുസ്തഫിസുറിനെ സ്‌ട്രെക്ടറിലാണ് ഗ്രൗണ്ടില്‍ നിന്നും കൊണ്ടുപോയത്.
അതേസമയം, ദിനേഷ് കാര്‍ത്തിക്കിനും അനുജ് റാവത്തിനും പുറമെ ക്യാപ്റ്റന്‍ ഫാഫ് ഡു പ്ലെസി (23 പന്തില്‍ 35), വിരാട് കോഹ്‌ലി (20 പന്തില്‍ 21), കാമറൂണ്‍ ഗ്രീന്‍ (22 പന്തില്‍ 18) എന്നിവരാണ് ആര്‍.സി.ബിയുടെ മറ്റ് സ്‌കോറര്‍മാര്‍. 13 റണ്‍സ് എക്‌സ്ട്രാ ഇനത്തിലും പിറന്നു.
