ഐ.പി.എല്‍ താരലേലത്തിന്റെ ചരിത്രത്തില്‍ ഏറ്റവുമധികം തുക സ്വന്തമാക്കുന്ന താരമായി റിഷബ് പന്ത്. 27 കോടി രൂപയ്ക്കാണ് റിഷബ് പന്തിനെ ലഖ്‌നൗ സൂപ്പര്‍ ജയന്റ്‌സ് റാഞ്ചിയെടുത്തത്. ദല്‍ഹി ക്യാപ്പിറ്റല്‍സിന്റെ ആര്‍.ടി.എം കാര്‍ഡിന് ചെക്ക് വെച്ചുകൊണ്ടായിരുന്നു സൂപ്പര്‍ ജയന്റ്‌സിന്റെ സൂപ്പര്‍ നീക്കം.
അല്‍പം മുമ്പ് ശ്രേയസ് അയ്യര്‍ 26.75 കോടി സ്വന്തമാക്കി ഐ.പി.എല്‍ ചരിത്രത്തിലെ മോസ്റ്റ് എക്‌സ്‌പെന്‍സീവ് ബിഡ് എന്ന റെക്കോഡ് നേട്ടം സ്വന്തമാക്കിയരുന്നു. പഞ്ചാബ് കിങ്‌സാണ് അയ്യരിനെ സ്വന്തമാക്കിയത്.
ആദ്യ സെറ്റിലെ അവസാന പേരുകാരനായി റിഷബ് പന്തിന്റെ പേര് പ്രഖ്യാപിച്ചതുമുതല്‍ തന്നെ ആരാധകര്‍ ആവേശത്തിലായിരുന്നു. ചെന്നൈ സൂപ്പര്‍ കിങ്‌സ് ആരാധരും പഞ്ചാബ് ആരാധകരുമാണ് പന്തിനായി പ്രധാനമായും ആര്‍പ്പുവിളിച്ചത്.
രണ്ട് കോടി അടിസ്ഥാന വിലയുണ്ടായിരുന്ന പന്തിനായി മിക്ക ടീമുകളും ഒരുപോലെ മത്സരിച്ചു. ആര്‍.സി.ബിയും ലഖ്‌നൗവും ഹൈദരാബാദും ഒരുപോലെ മത്സരിച്ചെങ്കിലും അവസാനം ഹൈദരാബാദും ലഖ്‌നൗവും മാത്രമായി.
