ലോകകപ്പ് കഴിഞ്ഞാല്‍ ഏറ്റവും മികച്ച ക്രിക്കറ്റ് ടൂര്‍ണ്ണമെന്റ് ഐ.പി.എല്‍; മുംബൈ ഇന്ത്യന്‍സ് മാഞ്ചസ്റ്റര്‍ യുണൈറ്റഡിനെ പോലെയെന്ന് ജോസ് ബട്ലര്
സ്പോര്‍ട്സ് ഡെസ്‌ക്
Saturday, 23rd May 2020, 11:01 pm
ലണ്ടന്‍: ലോകകപ്പ് കഴിഞ്ഞാല്‍ ഏറ്റവും മികച്ച ക്രിക്കറ്റ് ടൂര്‍ണ്ണമെന്റ് ഐ.പി.എല്ലാണെന്ന് ഇംഗ്ലണ്ട് താരം ജോസ് ബട്ലര്. ഐ.പി.എല്‍ ഇംഗ്ലിഷ് ക്രിക്കറ്റിനെ ഏറെ സഹായിക്കുന്നുണ്ടെന്നും ബട്ലര് പറഞ്ഞു.
മുംബൈ ഇന്ത്യന്‍സ് ക്രിക്കറ്റ് ടീം ഇംഗ്ലിഷ് പ്രീമിയര്‍ ലീഗ് ഫുട്‌ബോളിലെ വമ്പന്‍മാരായ മാഞ്ചസ്റ്റര്‍ യുണൈറ്റഡ് ടീമിനെ പോലെയാണെന്ന് ബട്ലര് പറഞ്ഞു. മാഞ്ചസ്റ്റര്‍ യുണൈറ്റഡിനുള്ളത് പോലെയാണ് മുംബൈ ഇന്ത്യന്‍സിന്റെ ആരാധക പിന്തുണയെന്നും താരം പറഞ്ഞു.
