ഐ.പി.എല്ലില്‍ ഇന്ന് രണ്ട് വിദേശ നായകര്‍ നേര്‍ക്കുനേര്‍; ഹൈദരാബാദ്-കൊല്‍ക്കത്ത മത്സരം വൈകീട്ട് 7:30ന്
സ്പോര്‍ട്സ് ഡെസ്‌ക്
Sunday, 11th April 2021, 1:01 pm
ചെന്നൈ: ഐ.പി.എല്ലില്‍ ഇന്ന് രണ്ട് വിദേശ നായകര്‍ തമ്മിലുള്ള പോരാട്ടം. 14ാം സീസണിലെ മൂന്നാം അങ്കത്തില്‍ ഓസ്‌ട്രേലിയയുടെ ഡേവിഡ് വാര്‍ണര്‍ നയിക്കുന്ന സണ്‍റൈസസ് ഹൈദരാബാദ്, ഇംഗ്ലണ്ട് താരം ഓയിന്‍ മോര്‍ഗലിന്റെ കൊല്‍ക്കത്ത നൈറ്റ് റൈഡേഴ്‌സുമായി ഏറ്റുമുട്ടും. വൈകീട്ട് 7:30ന് ചെന്നൈ എം.എ ചിതംബരം സ്റ്റേഡിയത്തിലാണ് മത്സരം.
ഇതുവരെ 19 മത്സരങ്ങളില്‍ ഏറ്റുമുട്ടിയപ്പോള്‍ 12 കളിയില്‍ കൊല്‍ക്കത്തക്കൊപ്പവും ഏഴ് കളികളില്‍ ഹെദരാബാദിനൊപ്പവുമായിരുന്നു വിജയം. കഴിഞ്ഞ സീസണില്‍ രണ്ട് തവണ ഏറ്റുമുട്ടിയപ്പോഴും ജയം കൊല്‍ക്കത്തയ്‌ക്കൊപ്പമായിരുന്നു.
