കഴിഞ്ഞ ദിവസമാണ് ഐ.പി.എല്‍ ടീമുകള്‍ തങ്ങള്‍ നിലനിര്‍ത്തിയ താരങ്ങളുടെ ലിസ്റ്റ് പ്രഖ്യാപിച്ചത്. പുതിയ സീസണിന് മുന്നോടിയായുള്ള മെഗാ ലേലത്തിന് മുമ്പായി ടീം നിലനിര്‍ത്തിയ താരങ്ങളുടെ ലിസ്റ്റാണ് ഇത്തരത്തില്‍ പുറത്തുവിട്ടത്.
നായകന്‍ ഫാഫ് ഡു പ്ലെസി, ഗ്ലെന്‍ മാക്‌സ്‌വെല്‍, മുഹമ്മദ് സിറാജ് അടക്കമുള്ള വിശ്വസ്തരെ ടീം നിലനിര്‍ത്തിയിരുന്നില്ല. എന്നാല്‍ ആര്‍.ടി.എമ്മിലൂടെ ഇവരില്‍ പലരെയും തിരിച്ചെത്തിക്കാനും ബെംഗളൂരുവിന് സാധിക്കും.
ഇപ്പോള്‍ ടീം നിലനിര്‍ത്തിയതിനെ കുറിച്ചും ടീമിനൊപ്പം ചെലവഴിച്ച നാളുകളെ കുറിച്ചും സാംസാരിക്കുകയാണ് വിരാട്. ടീം തങ്ങളുടെ സോഷ്യല്‍ മീഡിയ അക്കൗണ്ടുകളില്‍ പങ്കുവെച്ച വീഡിയോയിലാണ് താരം ഇക്കാര്യം പറയുന്നത്.
‘എന്നെ സംബന്ധിച്ച് റോയല്‍ ചലഞ്ചേഴ്‌സ് ബെംഗളൂരു എന്നാല്‍ എന്താണെന്ന് എല്ലാവര്‍ക്കും അറിയാവുന്നതാണ്. വര്‍ഷങ്ങളായി ഞാന്‍ ആര്‍.സി.ബിക്കൊപ്പമാണ്, ഈ ബന്ധം അത്രത്തോളം സ്‌പെഷ്യലാണ്, പോകെപ്പോകെ ഈ ബന്ധം കൂടുതല്‍ ദൃഢമാവുകയാണ്.
1️⃣8️⃣th year with RCB for our No. 1️⃣8️⃣. 🔥
Retention #1 Virat Kohli would have completed 20 years with RCB by the end of this upcoming 3-year cycle! 🤩 The only player to represent the same team since the inception of the IPL. 🤯
ആര്‍.സി.ബിക്കായി കളിക്കുന്നത് ഏറെ സ്‌പെഷ്യലാണ്. ശരിക്കും സ്‌പെഷ്യല്‍. ആരാധകര്‍ക്കും ഫ്രാഞ്ചൈസിക്കൊപ്പം ചേര്‍ന്നുനില്‍ക്കുന്നവര്‍ക്കും അതേ അനുഭൂതി തന്നെയാണെന്ന് ഞാന്‍ വിശ്വസിക്കുന്നു.
ഈ സൈക്കിളിന്റെ അവസാനമാകുമ്പോള്‍ ഞാന്‍ ആര്‍.സി.ബിക്കായി കളിക്കാന്‍ തുടങ്ങിയിട്ട് 20 വര്‍ഷമാകും. അത് എന്നെ സംബന്ധിച്ച് അത്രയും സ്‌പെഷ്യലാണ്. ഒരു ടീമിന് വേണ്ടി മാത്രമായി ഒരുപാട് വര്‍ഷം കളിക്കുമെന്ന് ഞാന്‍ ഒരിക്കല്‍പ്പോലും കരുതിയിരുന്നില്ല.
എന്നാല്‍ ഈ ബന്ധം ഓരോ വര്‍ഷം കഴിയും തോറും സ്‌പെഷ്യലായി മാറുകയായിരുന്നു. ആര്‍.സി.ബിക്കൊപ്പമല്ലാതെ മറ്റേതെങ്കിലും ടീമിനൊപ്പം ഞാന്‍ എന്നെ ഒരിക്കലും കാണുന്നില്ല,’ വിരാട് പറഞ്ഞു.
Retention Recap! 🧮 Today’s big news: Our plans are locked in! ✨
With 83 Crores, we have the second highest purse in the Mega auction, and 3 RTMs at our disposal.
വരുന്ന മൂന്ന് വര്‍ഷത്തില്‍ ഐ.പി.എല്‍ കിരീടം ഒരിക്കലെങ്കിലും നേടണമെന്നാണ് ആഗ്രഹമെന്നും വിരാട് പറഞ്ഞു.
‘അടുത്ത സൈക്കിളില്‍ ഒരിക്കലെങ്കിലും ഐ.പി.എല്‍ കിരീടം നേടുക എന്നതാണ് ലക്ഷ്യം. ഞങ്ങളുടെ മികച്ച പ്രകടനം തന്നെ പുറത്തെടുക്കാനും ഞങ്ങളുടെ ക്രിക്കറ്റിലൂടെ എല്ലാവരെയും സന്തോഷിപ്പിക്കാനുമാണ് ഞങ്ങള്‍ ശ്രമിക്കുന്നത്,’ വിരാട് പറഞ്ഞു.
