ഐ.പി.എല്‍ 2024ലെ 41ാം മത്സരത്തില്‍ റോയല്‍ ചലഞ്ചേഴ്‌സ് ബെംഗളൂരു സണ്‍റൈസേഴ്‌സ് ഹൈദരാബാദിനെ നേരിടുകയാണ്. ഓറഞ്ച് ആര്‍മിയുടെ സ്വന്തം തട്ടകമായ ഉപ്പലിലെ രാജീവ് ഗാന്ധി അന്താരാഷ്ട്ര സ്റ്റേഡിയത്തിലാണ് മത്സരം നടക്കുന്നത്.
പേ ബാക്ക് വീക്കിലെ നാലാം മത്സരമാണിത്. നേരത്തെ ആര്‍.സി.ബിയുടെ തട്ടകമായ ചിന്നസ്വാമി സ്റ്റേഡിയത്തില്‍ നടന്ന മത്സരത്തില്‍ സണ്‍റൈസേഴ്‌സ് ചരിത്ര വിജയം സ്വന്തമാക്കിയിരുന്നു.
ഹൈദരാബാദില്‍ ടോസ് നേടിയ ആര്‍.സി.ബി നായകന്‍ ബാറ്റിങ് തെരഞ്ഞെടുത്തു.
🚨 Toss Update 🚨
Royal Challengers Bengaluru elect to bat against Sunrisers Hyderabad.
— Royal Challengers Bengaluru (@RCBTweets) April 25, 2024
ഈ സീസണിലും 400 റണ്‍സ് മാര്‍ക് പിന്നിട്ടതോടെ ഒരു തകര്‍പ്പന്‍ നേട്ടവും വിരാട് സ്വന്തമാക്കിയിരിക്കുകയാണ്. ഐ.പി.എല്ലിന്റെ ചരിത്രത്തില്‍ ഏറ്റവുമധികം തവണ 400+ സ്‌കോര്‍ നേടിയ താരം എന്ന നേട്ടമാണ് വിരാട് സ്വന്തമാക്കിയത്. ഇത് പത്താം തവണയാണ് വിരാട് ഒരു സീസണില്‍ 400 അടിക്കുന്നത്.
സുരേഷ് റെയ്‌ന, ഡേവിഡ് വാര്‍ണര്‍ എന്നിവരെ മറികടന്നാണ് വിരാട് ഒന്നാമതതെത്തിയത്.
ഐ.പി.എല്ലില്‍ ഏറ്റവുമധികം സീസണില്‍ 400+ റണ്‍സ് നേടിയ താരങ്ങള്‍
വിരാട് കോഹ്‌ലി – 10 തവണ
സുരേഷ് റെയ്‌ന – 9 തവണ
ഡേവിഡ് വാര്‍ണര്‍ – 9 തവണ
ശിഖര്‍ ധവാന്‍ – 9 തവണ
രോഹിത് ശര്‍മ – 7 തവണ
എ.ബി. ഡി വില്ലിയേഴ്‌സ് – 6 തവണ
ക്രിസ് ഗെയ്ല്‍ – 5 തവണ
ഗൗതം ഗംഭീര്‍ – 5 തവണ
കെ.എല്‍. രാഹുല്‍ – 5 തവണ
ശ്രേയസ് അയ്യര്‍ – 5 തവണ
അതേസമയം, ആദ്യ ഇന്നിങ്‌സ് ബാറ്റിങ് തുടരുന്ന റോയല്‍ ചലഞ്ചേഴ്‌സ് 17 ഓവര്‍ പിന്നിടുമ്പോള്‍ 167 റണ്‍സിന് അഞ്ച് വിക്കറ്റ് എന്ന നിലയിലാണ്. 13 പന്തില്‍ 23 റണ്‍സുമായി കാമറൂണ്‍ ഗ്രീനും ഒരു പന്തില്‍ ഒരു റണ്ണുമായി ദിനേഷ് കാര്‍ത്തിക്കുമാണ് ക്രീസില്‍.
