ഐ.പി.എല്‍ 2024ന്റെ ആദ്യ രണ്ട് ആഴ്ചത്തെ മത്സരക്രമങ്ങള്‍ പ്രഖ്യാപിച്ചിരിക്കക്കുകയാണ്. മാര്‍ച്ച് 22നാണ് ഈ സീസണിലെ ആദ്യ മത്സരം അരങ്ങേറുന്നത്. ആദ്യ മത്സരത്തില്‍ ഡിഫന്‍ഡിങ് ചാമ്പ്യന്‍മാരയ ചെന്നൈ സൂപ്പര്‍ കിങ്‌സ് റോയല്‍ ചലഞ്ചേഴ്‌സ് ബെംഗളൂരുവിനെയാണ് നേരിടുന്നത്.
ഉദ്ഘാടന സീസണില്‍ കപ്പുയര്‍ത്തിയ ഫാന്‍ ഫേവറിറ്റുകളായ രാജസ്ഥാന്‍ റോയല്‍സ് മാര്‍ച്ച് 24നാണ് തങ്ങളുടെ ആദ്യ മത്സരത്തിനിറങ്ങുന്നത്. ലഖ്‌നൗ സൂപ്പര്‍ ജയന്റ്‌സാണ് എതിരാളികള്‍.
ലോക്‌സഭാ തെരഞ്ഞെടുപ്പ് വരുന്നതിനാല്‍ ആദ്യ രണ്ട് ആഴ്ചത്തെ മത്സര ക്രമങ്ങള്‍ മാത്രമാണ് പ്രഖ്യാപിച്ചത്. ഡബിള്‍ ഹെഡ്ഡറുകളടക്കം 21 മത്സരങ്ങളുടെ ഫിക്‌സ്ചറുകളാണ് നിലവില്‍ പ്രഖ്യാപിച്ചിരിക്കുന്നത്. ഇതില്‍ നാല് മത്സരങ്ങളാണ് രാജസ്ഥാന്‍ റോയല്‍സിന് കളിക്കാനുള്ളത്.
vs ലഖ്‌നൗ സൂപ്പര്‍ ജയന്റ്‌സ് – മാര്‍ച്ച് 24 – സവായ് മാന്‍സിങ് സ്റ്റേഡിയം ജയ്പൂര്‍ – 3.30 pm
vs ദല്‍ഹി ക്യാപ്പിറ്റല്‍സ് – മാര്‍ച്ച് 28 – സവായ് മാന്‍സിങ് സ്റ്റേഡിയം ജയ്പൂര്‍ – 7.30 pm
vs മുംബൈ ഇന്ത്യന്‍സ് – ഏപ്രില്‍ – 1 -മുംബൈ വാംഖഡെ സ്റ്റേഡിയം- 7.30 pm
vs റോയല്‍ ചലഞ്ചേഴ്‌സ് ബെംഗളൂരു – ഏപ്രില്‍ 6 – സവായ് മാന്‍സിങ് സ്റ്റേഡിയം ജയ്പൂര്‍ – 7.30 pm
അതേസമയം, കഴിഞ്ഞ ഡിസംബറില്‍ നടന്ന താരലേലത്തില്‍ സൂപ്പര്‍ താരങ്ങളെ ഉള്‍പ്പെടുത്തി രാജസ്ഥാന്‍ തങ്ങളുടെ സ്‌ക്വാഡ് ഡെപ്ത് വര്‍ധിപ്പിച്ചിരുന്നു. വിന്‍ഡീസ് കരുത്തന്‍ റോവ്മന്‍ പവലും പ്രോട്ടിയാസ് പേസര്‍ നാന്ദ്രേ ബര്‍ഗറിനും പുറമെ ആഭ്യന്തര തലത്തില്‍ തിളങ്ങിയ ശുഭം ദുബെയും രാജസ്ഥാന്‍ ടീമിലെത്തിച്ചിരുന്നു.
