ഐ.പി.എല്‍ 2024ലെ പ്ലേ ഓഫ് മത്സരങ്ങള്‍ ആരംഭിച്ചിരിക്കുകയാണ്. ഗുജറാത്ത് ക്രിക്കറ്റ് അസോസിയേഷന്‍ സ്റ്റേഡിയത്തില്‍ നടക്കുന്ന ആദ്യ ക്വാളിഫയര്‍ മത്സരത്തില്‍ പോയിന്റ് പട്ടികയിലെ ഒന്നാം സ്ഥാനക്കാരായ കൊല്‍ക്കത്ത നൈറ്റ് റൈഡേഴ്സ് രണ്ടാം സ്ഥാനക്കാരായ സണ്റൈസേഴ്സ് ഹൈദരാബാദിനെ നേരിടുകയാണ്. ഈ മത്സരത്തില്‍ വിജയിക്കുന്ന ടീം ഫൈനലിന് യോഗ്യത നേടും
മത്സരത്തില്‍ ടോസ് നേടി ആദ്യം ബാറ്റ് ചെയ്ത സണ്റൈസേഴ്സ് 19.3 ഓവറില്‍ 159 റണ്‍സാണ് സ്വന്തമാക്കിയത്.
35 പന്തില്‍ 55 റണ്‍സാണ് രാഹുല്‍ ത്രിപാഠി നേടിയത്. ഏഴ് ബൗണ്ടറിയും ഒരു സിക്‌സറും അടക്കം 157.14 എന്ന സ്‌ട്രൈക്ക് റേറ്റിലാണ് താരം ബാറ്റ് വീശിയത്. ക്ലാസന്‍ 21 പന്തില്‍ 32 റണ്‍സടിച്ചപ്പോള്‍ 24 പന്തില്‍ 30 റണ്‍സാണ് ക്യാപ്റ്റന്‍ നേടിയത്.
ICYMI!
Rahul Tripathi revitalises #SRH with counter-attacking 55 👌👌
കഴിഞ്ഞ സീസണിലേതെന്ന പോലെ ഈ വര്‍ഷത്തെ പ്ലേ ഓഫിലും ഡോട്ട് ബോളുകളില്‍ മരം നടാന്‍ ബി.സി.സി.ഐ തീരുമാനിച്ചിട്ടുണ്ട്. ഓരോ ഡോട്ട് ബോളുകള്‍ക്കും 500 മരം വീതമാണ് അപെക്‌സ് ബോര്‍ഡ് നടുക.
We are proud to partner @TataCompanies in planting 500 saplings for each dot ball in the @IPL playoffs. Qualifier 1 #GTvsCSK got 42,000 saplings, thanks to 84 dot balls.
Who says T20 is a batter’s game? Bowlers’ it’s all in your hands #TATAIPLGreenDots 🌳 🌳 🌳
സണ്റൈസേഴ്സ് ഇന്നിങ്‌സിലെ 43 പന്തുകളില്‍ റണ്‍സൊന്നും പിറന്നിരുന്നില്ല. അതായത് 21,500 മരങ്ങളാണ് ഒന്നാം ക്വാളിഫയറിലെ ആദ്യ പകുതിയില്‍ നിന്ന് മാത്രമായി ബി.സി.സി.ഐ പ്രകൃതിക്ക് സമ്മാനിക്കുന്നത്.
അതേസമയം, 160 റണ്‍സ് വിജയലക്ഷ്യവുമായി ഇറങ്ങിയ കൊല്‍ക്കത്ത അഞ്ച് ഓവര്‍ പിന്നിടുമ്പോള്‍ 57ന് ഒന്ന് എന്ന നിലയിലാണ്. എട്ട് പന്തില്‍ 12 റണ്‍സടിച്ച സുനില്‍ നരെയ്‌നും എട്ട് പന്തില്‍ 12 റണ്‍സ് തന്നെ നേടിയ വെങ്കിടേഷ് അയ്യരുമാണ് ക്രീസില്‍.
14 പന്തില്‍ 23 റണ്‍സ് നേടിയ റഹ്‌മാനുള്ള ഗുര്‍ബാസിന്റെ വിക്കറ്റാണ് ടീമിന് നഷ്ടമായത്. ടി. നടരാജന്റെ പന്തില്‍ വിജയ്കാന്ത് വിയാസ്‌കാന്തിന് ക്യാച്ച് നല്‍കിയാണ് താരം മടങ്ങിയത്.
