ഐ.പി.എല്‍ 2024ലെ എലിമിനേറ്റര്‍ മത്സരം ഗുജറാത്ത് ക്രിക്കറ്റ് അസോസിയേഷന്‍ സ്‌റ്റേഡിയത്തില്‍ തുടരുകയാണ്. പോയിന്റ് പട്ടികയിലെ മൂന്നാം സ്ഥാനക്കാരായ രാജസ്ഥാന്‍ റോയല്‍സ് നാലാം സ്ഥാനക്കാരായ റോയല്‍ ചലഞ്ചേഴ്‌സ് ബെംഗളൂരുവിനെയാണ് നേരിടുന്നത്.
മത്സരത്തില്‍ ടോസ് നേടിയ രാജസ്ഥാന്‍ റോയല്‍സ് ഫീല്‍ഡിങ് തെരഞ്ഞെടുത്തു.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ ബെംഗളൂരു നിശ്ചിത ഓവറില്‍ എട്ട് വിക്കറ്റ് നഷ്ടത്തില്‍ 172 റണ്‍സ് നേടി. രജത് പാടിദാര്‍, വിരാട് കോഹ്‌ലി, മഹിപാല്‍ ലോംറോര്‍ എന്നിവരുടെ ഇന്നിങ്സുകളാണ് റോയല്‍ ചലഞ്ചേഴ്സിന് മോശമല്ലാത്ത സ്‌കോര്‍ സമ്മാനിച്ചത്.
They took the pace off and made things a little difficult for us. But we’ve still managed to score 96 runs off the last 10 overs. 👊
Manifesting a very special performance from our bowling unit tonight. 🤞#PlayBold #ನಮ್ಮRCB #IPL2024 #RRvRCB pic.twitter.com/tWunqpdgPk
— Royal Challengers Bengaluru (@RCBTweets) May 22, 2024
പാടിദാര്‍ 22 പന്തില്‍ 34 റണ്‍സടിച്ചപ്പോള്‍ വിരാട് 24 പന്തില്‍ 33 റണ്‍സും ലോംറോര്‍ 17 പന്തില്‍ 32 റണ്‍സും സ്വന്തമാക്കി.
രാജസ്ഥാനായി ആവേശ് ഖാന്‍ മൂന്ന് വിക്കറ്റ് നേടിയപ്പോള്‍ ആര്‍. അശ്വിന്‍ രണ്ട് വിക്കറ്റും നേടി. ട്രെന്റ് ബോള്‍ട്ട്, യൂസ്വേന്ദ്ര ചഹല്‍, സന്ദീപ് ശര്‍മ എന്നിവര്‍ ഓരോ ബെംഗളൂരു താരത്തെയും പവലിയനിലേക്ക് മടക്കി.
സൂപ്പര്‍ താരം റോവ്മന്‍ പവലിന്റെ തകര്‍പ്പന്‍ ഫീല്‍ഡിങ് പ്രകടനമാണ് ഇതില്‍ പകുതി വിക്കറ്റുകള്‍ക്കും കാരണമായത്. ക്യാപ്റ്റന്‍ ഫാഫ് ഡു പ്ലെസിയുടേതടക്കം നാല് തകര്‍പ്പന്‍ ക്യാച്ചുകളാണ് പവല്‍ കൈപ്പിടിയിലൊതുക്കിയത്.
— Rajasthan Royals (@rajasthanroyals) May 22, 2024
ഫാഫ് ഡു പ്ലെസി, കാമറൂണ്‍ ഗ്രീന്‍, മഹിപാല്‍ ലോംറോര്‍, കരണ്‍ ശര്‍മ എന്നിവരുടെ ക്യാച്ചുകള്‍ സ്വന്തമാക്കിയതോടെ ഒരു തകര്‍പ്പന്‍ നേട്ടവും താരം സ്വന്തമാക്കിയിരുന്നു.
Trained harder after watching that Faf du Plessis catch three days ago and… pic.twitter.com/1azlaC3N4I
— Rajasthan Royals (@rajasthanroyals) May 22, 2024
ഐ.പി.എല്ലിന്റെ ചരിത്രത്തില്‍ ഒരു പ്ലേ ഓഫ് മത്സരത്തില്‍ നാല് ക്യാച്ച് സ്വന്തമാക്കുന്ന ആദ്യ ഫീല്‍ഡര്‍ എന്ന നേട്ടമാണ് താരം സ്വന്തമാക്കിയത്.
Rovman to the ball today: pic.twitter.com/digKRUFyFc
— Rajasthan Royals (@rajasthanroyals) May 22, 2024
അതേസമയം, റോയല്‍ ചലഞ്ചേഴ്‌സ് ഉയര്‍ത്തിയ 173 റണ്‍സിന്റെ വിജയലക്ഷ്യം പിന്തുടര്‍ന്നിറങ്ങിയ രാജസ്ഥാന്‍ നൂറ് റണ്‍സിലെത്തിയിരിക്കുകയാണ്.
നിലവില്‍ 12 ഓവര്‍ പിന്നിടുമ്പോള്‍ മൂന്ന് വിക്കറ്റിന് 100 എന്ന നിലയിലാണ് രാജസ്ഥാന്‍. ആറ് പന്തില്‍ ഏഴ് റണ്‍സുമായി ധ്രുവ് ജുറെലും എട്ട് പന്തില്‍ എട്ട് റണ്‍സുമായി റിയാന്‍ പരാഗുമാണ് ക്രീസില്‍.
രാജസ്ഥാന്‍ റോയല്‍സ് പ്ലെയിങ് ഇലവന്‍
യശസ്വി ജെയ്‌സ്വാള്‍, ടോം കോലര്‍ കാഡ്‌മോര്‍, സഞ്ജു സാംസണ്‍ (ക്യാപ്റ്റന്‍, വിക്കറ്റ് കീപ്പര്‍), റിയാന്‍ പരാഗ്, ധ്രുവ് ജുറെല്‍, റോവ്മന്‍ പവല്‍, ആര്‍. അശ്വിന്‍, ട്രെന്റ് ബോള്‍ട്ട്, സന്ദീപ് ശര്‍മ, ആവേശ് ഖാന്‍.
റോയല്‍ ചലഞ്ചേഴ്‌സ് പ്ലെയിങ് ഇലവന്‍
ഫാഫ് ഡു പ്ലെസി (ക്യാപ്റ്റന്‍), വിരാട് കോഹ്‌ലി, ഗ്ലെന്‍ മാക്‌സ്‌വെല്‍, രജത് പാടിദാര്‍, കാമറൂണ്‍ ഗ്രീന്‍, മഹിപാല്‍ ലോംറോര്‍, ദിനേഷ് കാര്‍ത്തിക് (വിക്കറ്റ് കീപ്പര്‍), കരണ്‍ ശര്‍മ, യാഷ് ദയാല്‍, ലോക്കി ഫെര്‍ഗൂസന്‍, മുഹമ്മദ് സിറാജ്.
Content Highlight: IPL 2024 Playoffs: RR vs RCB: Rovman Powell becomes the first fielder to take 4 catches in IPL playoffs
