ഐ.പി.എല്‍ 2024ലെ പ്ലേ ഓഫ് മത്സരങ്ങള്‍ക്ക് തുടക്കമായിരിക്കുകയാണ്. ഗുജറാത്ത് ക്രിക്കറ്റ് അസോസിയേഷന്‍ സ്‌റ്റേഡിയത്തില്‍ നടക്കുന്ന ആദ്യ ക്വാളിഫയര്‍ മത്സരത്തില്‍ പോയിന്റ് പട്ടികയിലെ ഒന്നാം സ്ഥാനക്കാരായ കൊല്‍ക്കത്ത നൈറ്റ് റൈഡേഴ്‌സ് രണ്ടാം സ്ഥാനക്കാരായ സണ്‍റൈസേഴ്‌സ് ഹൈദരാബാദിനെ നേരിടുകയാണ്.
മത്സരത്തില്‍ ടോസ് നേടിയ ഹൈദരാബാദ് ബാറ്റിങ് തെരഞ്ഞെടുത്തു.
🚨 Toss Update 🚨
Sunrisers Hyderabad elect to bat against Kolkata Knight Riders.
സീസണില്‍ നേരത്തെ ഇരുവരുമേറ്റുമുട്ടിയപ്പോള്‍ നാല് വിക്കറ്റിന് കെ.കെ.ആര്‍ വിജയിച്ചിരുന്നു.
മാറ്റമില്ലാത്ത ടീമുമായാണ് സണ്‍റൈസേഴ്‌സ് ഇറങ്ങുന്നത്. തങ്ങളുടെ കരുത്ത് ബാറ്റിങ്ങിലാണെന്നും ഇക്കാരണം കൊണ്ടുതന്നെ ബാറ്റിങ് തെരഞ്ഞെടുക്കുന്നതെന്നുമാണ് കമ്മിന്‍സ് പറഞ്ഞത്.
ഈ മത്സരത്തില്‍ വിജയിക്കുന്ന ടീമിന് നേരിട്ട് ഫൈനലില്‍ പ്രവേശിക്കാന്‍ സാധിക്കും. പരാജയപ്പെടുന്ന ടീമിന് ഫൈനലിലെത്താന്‍ മറ്റൊരു അവസരം കൂടി ലഭിക്കും.
നാളെ നടക്കുന്ന രാജസ്ഥാന്‍ റോയല്‍സ് – കൊല്‍ക്കത്ത നൈറ്റ് റൈഡേഴ്‌സ് എലിമിനേറ്റര്‍ മത്സരത്തിലെ വിജയികളെ ഈ മത്സരത്തില്‍ പരാജയപ്പെടുന്ന ടീം രണ്ടാം ക്വാളിഫയറില്‍ നേരിടും. ഇതിലെ വിജയികള്‍ ഫൈനലിന് യോഗ്യത നേടുന്ന രണ്ടാം ടീമായി മാറും.
