ഈ സീസണില്‍ തുടരെ തുടരെ മോശം പ്രകടനം പുറത്തെടുത്ത ഗ്ലെന്‍ മാക്‌സ്‌വെല്‍ ഈ മത്സരത്തിലും തന്റെ പതിവ് തെറ്റിച്ചില്ല. നാല് പന്തില്‍ പൂജ്യം റണ്‍സ് നേടിയാണ് മാക്‌സ്‌വെല്‍ പുറത്തായത്. ശ്രേയസ് ഗോപാലിന്റെ പന്തില്‍ വിക്കറ്റിന് മുമ്പില്‍ കുടുങ്ങിയായിരുന്നു മാക്‌സിയുടെ മടക്കം.
ഈ സീസണില്‍ ഇത് മൂന്നാം തവണയാണ് മാക്‌സി പൂജ്യത്തിന് പുറത്താകുന്നത്.
മുംബൈക്കെതിരെയും പൂജ്യത്തിന് പുറത്തായതോടെ ഒരു മോശം റെക്കോഡാണ് മാക്‌സ്‌വെല്ലിനെ തേടിയത്തിയത്. ഐ.പി.എല്ലില്‍ ഏറ്റവുമധികം തവണ പൂജ്യത്തിന് പുറത്താകുന്ന താരങ്ങളുടെ പട്ടികയില്‍ ഒന്നാം സ്ഥാനത്തെത്തിയാണ് മാക്‌സി തലകുനിച്ചുനില്‍ക്കുന്നത്.
ഇത് 17ാം തവണയാണ് മാക്‌സ് വെല്‍ പൂജ്യത്തിന് പുറത്താകുന്നത്. രോഹിത് ശര്‍മക്കും ദിനേഷ് കാര്‍ത്തിക്കിനുമൊപ്പം മോശം റെക്കോഡില്‍ ഒന്നാം സ്ഥാനം പങ്കിടുകയാണ് ഓസീസ് ഓള്‍ റൗണ്ടര്‍.
