ഐ.പി.എല്ലില്‍ മുംബൈ ഇന്ത്യന്‍സിനായി അരങ്ങേറ്റം കുറിച്ച സൗത്ത് ആഫ്രിക്കന്‍ കൗമാര താരം ക്വേന മഫാക്കക്ക് അഭിന്ദനവുമായി മുന്‍ ഇംഗ്ലണ്ട് സൂപ്പര്‍ താരം കെവിന്‍ പീറ്റേഴ്‌സ്ണ്‍. പല വിദേശ താരങ്ങളും ഐ.പി.എല്ലില്‍ സ്ഥാനം നേടാന്‍ ശ്രമിച്ച് പരാജയപ്പെടുമ്പോള്‍ തന്റെ 17ാം വയസില്‍ മഫാക്ക അത് നേടിയെടുത്തുവെന്നും ഇതില്‍ താരം അഭിനന്ദനമര്‍ഹിക്കുന്നുവെന്നും പീറ്റേഴ്‌സണ്‍ പറഞ്ഞു.
‘കഴിഞ്ഞ ദിവസം സ്വന്തമാക്കിയ നേട്ടത്തെയോര്‍ത്ത് ഏറെ അഭിമാനത്തോടെയാകും മഫാക്ക ഇന്ന് ഉറക്കമുണര്‍ന്നിരിക്കുക. ഐ.പി.എല്ലില്‍ ഒരു ടീമിന്റെ ഭാഗമാകാന്‍ ശ്രമിക്കുന്ന ഒരുപാട് പരിചയ സമ്പന്നരായ വിദേശ താരങ്ങളുണ്ട്. ആ സ്ഥാനത്ത് വെറും 17 വയസില്‍ ഒരു വിദേശ താരമെന്ന നിലയില്‍ അവന്‍ ഒരു ഐ.പി.എല്‍ ടീമില്‍ അരങ്ങേറ്റം കുറിച്ചിരിക്കുന്നു.
I hope Kwena Maphaka wakes up this morning extremely proud of what he achieved last night.
There are many seasoned international campaigners that try their level best to get picked up in an @IPL auction and just at the age of 17, yes 17, he made is debut as a foreign player.…— Kevin Pietersen🦏 (@KP24) March 28, 2024
നിന്റെ ബൗളിങ് ഫിഗറുകളെ മറന്നേക്കുക. പകരം നീ സ്വന്തമാക്കിയ നേട്ടങ്ങളെക്കുറിച്ചേര്‍ത്ത് അഭിമാനിക്കൂ. മുന്നോട്ട് പോകൂ പ്രിയപ്പെട്ടവനേ,’ എന്നാണ് പീറ്റേഴ്‌സണ്‍ കുറിച്ചത്.
