ഓഫ് സ്റ്റംപിന് പുറത്തെറിഞ്ഞ ഫുള്ളര്‍ ഡെലിവെറി ഡ്രൈവ് ചെയ്യാനായിരുന്നു സോള്‍ട്ടിന്റെ ശ്രമം. എന്നാല്‍ സോള്‍ട്ടിന് പ്രതീക്ഷിച്ച എലവേഷന്‍ ലഭിച്ചില്ല. ബാക്ക്‌വാര്‍ഡ് പോയിന്റില്‍ രവീന്ദ്ര ജഡേജക്ക് ക്യാച്ച് നല്‍കിയാണ് താരം പുറത്തായത്.
ആദ്യ ഓവറില്‍ വെറും ഒറ്റ റണ്‍സ് മാത്രമാണ് കൊല്‍ക്കത്തക്ക് നേടാന്‍ സാധിച്ചത്.
ഈ വിക്കറ്റിന് പിന്നാലെ ഒരു തകര്‍പ്പന്‍ നേട്ടവും ദേശ്പാണ്ഡേ സ്വന്തമാക്കിയിരുന്നു. ഒരു ഇന്നിങ്‌സിലെ ആദ്യ പന്തില്‍ വിക്കറ്റ് നേടുന്ന മൂന്നാമത് ചെന്നൈ താരം എന്ന നേട്ടമാണ് ദേശ്പാണ്ഡേ സ്വന്തമാക്കിയത്.
സൂപ്പര്‍ താരം ലക്ഷ്മിപതി ബാലാജി, ഷര്‍ദുല്‍ താക്കൂര്‍ എന്നിവര്‍ക്ക് ശേഷം ഈ നേട്ടം സ്വന്തമാക്കുന്ന താരമാണ് ദേശ്പാണ്ഡേ.
അതേസമയം, പവര്‍പ്ലേയില്‍ മികച്ച പ്രകടനം കാഴ്ചവെച്ച കൊല്‍ക്കത്ത നൈറ്റ് റൈഡേഴ്‌സ് ജഡേജ മാജിക്കില്‍ തകരുകയാണ്. ഏഴാം ഓവറില്‍ രണ്ട് വിക്കറ്റുകള്‍ നേടിയാണ് ജഡേജ ചെന്നൈ ക്കാവശ്യമായ ബ്രേക് ത്രൂ നല്‍കിയത്.
ഓവറിലെ ആദ്യ പന്തില്‍ ആംഗ്ക്രിഷ് രഘുവംശിയെ വിക്കറ്റിന് മുമ്പില്‍ കുടുക്കിയ ജഡേജ അഞ്ചാം പന്തില്‍ സുനില്‍ നരെയ്‌നെയും മടക്കി. മഹീഷ് തീക്ഷണക്ക് ക്യാച്ച് നല്‍കിയാണ് നരെയ്ന്‍ പുറത്തായത്.
One Over ✅
Two Strikes ✅@imjadeja on a roll here in Chennai! 🙌 🙌#KKR have lost Angkrish Raghuvanshi & Sunil Narine in the same over!
നിലവില്‍ എട്ട് ഓവര്‍ പിന്നിടുമ്പോള്‍ 63ന് മൂന്ന് എന്ന നിലയിലാണ് കൊല്‍ക്കത്ത. ഏഴ് പന്തില്‍ മൂന്ന് റണ്‍സുമായി വെങ്കിടേഷ് അയ്യരും രണ്ട് പന്തില്‍ രണ്ട് റണ്‍സുമായി ക്യാപ്റ്റന്‍ ശ്രേയസ് അയ്യരുമാണ് ക്രീസില്‍.
