മുംബൈ: വരാനിരിക്കുന്ന ഐ.പി.എല്‍ മെഗാലേലത്തില്‍ മുംബൈ ഇന്ത്യന്‍സ് ക്യാപ്റ്റന്‍ രോഹിത് ശര്‍മയെ നിലനിര്‍ത്തും. പേസര്‍ ജസ്പ്രീത് ബുംറയേയും ടീം ലേലത്തില്‍ വെക്കില്ലെന്ന് ഉറപ്പായിട്ടുണ്ട്.
വെസ്റ്റ് ഇന്‍ഡീസ് വെടിക്കെട്ട് താരം കെയ്‌റോണ്‍ പൊള്ളാര്‍ഡിനെ ടീമില്‍ നിലനിര്‍ത്താന്‍ ചര്‍ച്ചകള്‍ ആരംഭിച്ചിട്ടുണ്ട്. സൂര്യകുമാര്‍ യാദവിനേയും ഇഷന്‍ കിഷനേയും നിലനിര്‍ത്താനാണ് മുംബൈയുടെ പദ്ധതി.
നാല് താരങ്ങളെയാണ് മെഗാലേലത്തില്‍ ഒരു ഫ്രാഞ്ചൈസിയ്ക്ക് നിലനിര്‍ത്താനാകുക. അതിനാല്‍ സൂര്യകുമാര്‍ യാദവിനെ ലേലത്തില്‍ വെച്ച് വിളിച്ചെടുക്കാനും ഇഷന്‍ കിഷനെ നിലനിര്‍ത്താനുമാണ് ടീം ആലോചിക്കുന്നതെന്നാണ് റിപ്പോര്‍ട്ട്.
അതേസമയം പഞ്ചാബ് കിംഗ്‌സ് ക്യാപ്റ്റനായ കെ.എല്‍. രാഹുല്‍ പുതിയ ടീമായ സഞ്ജയ് ഗൊയെങ്കയുടെ ഫ്രാഞ്ചൈസിയിലേക്ക് ചേക്കേറിയേക്കും. ഗൊയെങ്കയുടെ ലഖ്‌നൗ ടീമിന്റെ നായകസ്ഥാനത്തേക്കാണ് രാഹുലിനെ പരിഗണിക്കുന്നത്.
