ഐ.പി.എല്‍ മെഗാലേലം; ഒരു ടീമിന് നാല് കളിക്കാരെ വരെ നിലനിര്‍ത്താമെന്ന് റിപ്പോര്‍ട്ട്
സ്പോര്‍ട്സ് ഡെസ്‌ക്
Friday, 22nd October 2021, 5:12 pm
ഐ.പി.എല്ലില്‍ ഒരു ടീമിന് നാല് കളിക്കാരെ വരെ നിലനിര്‍ത്താന്‍ സാധിക്കുമെന്ന് റിപ്പോര്‍ട്ടുകള്‍. നിലവിലുള്ള 8 ടീമുകള്‍ക്കും നാല് വീതം കളിക്കാരെ നിലനിര്‍ത്താമെന്നാണ് ക്രിക്ബസ് റിപ്പോര്‍ട്ട് ചെയ്യുന്നത്.
ബി.സി.സി.ഐയും ടീമുകളുടെ പ്രതിനിധികളും തമ്മില്‍ അനൗദ്യോഗിക കൂടിക്കാഴ്ച നടന്നുവെന്നും, ഇതിലാണ് കളിക്കാരെ നിലനിര്‍ത്തുന്നതിന്റെ ഭാഗമായുള്ള ചര്‍ച്ചകള്‍ നടന്നതെന്നുമാണ് ക്രിക്ബസ് റിപ്പോര്‍ട്ട് ചെയ്യുന്നത്.
അടുത്ത സീസണിന്റെ ഭാഗമായി മെഗാ താരലേലമുണ്ടാവുമെന്ന് ബി.സി.സി.ഐ മുന്‍പേ വ്യക്തമാക്കിയിരുന്നു. ഇതിന് പുറമെ 2 പുതിയ ഫ്രാഞ്ചൈസികളും അടുത്ത സീസണില്‍ ഉണ്ടാകുമെന്നും ക്രിക്കറ്റ് ബോര്‍ഡ് അറിയിച്ചിരുന്നു.
