മൊയിന്‍ അലി ജഴ്സിയില് നിന്ന് മദ്യക്കമ്പനിയുടെ ലോഗോ മാറ്റാന്‍ ആവശ്യപ്പെട്ടിട്ടില്ലെന്ന് ചെന്നൈ സൂപ്പര്‍ കിംഗ്‌സ്
സ്പോര്‍ട്സ് ഡെസ്‌ക്
Monday, 5th April 2021, 5:14 pm
ചെന്നൈ: തന്റെ ജഴ്സിയില് നിന്ന് മദ്യക്കമ്പനിയുടെ ലോഗോ മാറ്റാന്‍ ഇംഗ്ലണ്ട് താരം മൊയിന്‍ അലി ആവശ്യപ്പെട്ടുവെന്ന തരത്തില്‍ പുറത്തുവന്ന റിപ്പോര്‍ട്ടുകള്‍ തള്ളി ചെന്നൈ സൂപ്പര്‍ കിംഗ്‌സ്. മൊയിന്‍ ഇത്തരമൊരു ആവശ്യം ഉന്നയിച്ചിട്ടില്ലെന്നും ടീം അത് അംഗീകരിച്ചിട്ടില്ലെന്നും ചെന്നൈ സി.ഇ.ഒ കാശി വിശ്വനാഥന്‍ ഇന്ത്യാ ടുഡേയോട് പറഞ്ഞു.
തനിക്ക് അണിയാന്‍ നല്‍കുന്ന ജഴ്സിയില് നിന്ന് മദ്യക്കമ്പനിയുടെ ലോഗോ നീക്കം ചെയ്യണമെന്ന് മോയിന്‍ അലി ആവശ്യപ്പെട്ടുവെന്നും അത് സി.എസ്.കെ അംഗീകരിച്ചുവെന്നുമായിരുന്നു കഴിഞ്ഞ ദിവസം വന്ന റിപ്പോര്‍ട്ടുകള്‍. ദേശീയ മാധ്യമങ്ങളെല്ലാം ഇത് വാര്‍ത്തയാക്കിയിരുന്നു.
