ഐ.പി.എല്‍ നടത്തുമെങ്കില്‍ വിദേശതാരങ്ങളുമെത്തും, അതിനുള്ള 'മസില്‍ പവര്‍' ബി.സി.സി.ഐയ്ക്കുണ്ട്: സല്‍മാന്‍ ബട്ട്
സ്പോര്‍ട്സ് ഡെസ്‌ക്
Wednesday, 2nd June 2021, 7:44 pm
ലാഹോര്‍: കൊവിഡിനെ തുടര്‍ന്ന് നിര്‍ത്തിവെച്ച ഐ.പി.എല്‍ പുനരാരംഭിക്കുമ്പോള്‍ വിദേശതാരങ്ങളും പങ്കെടുക്കുമെന്ന് പാകിസ്താന്‍ മുന്‍ താരം സല്‍മാന്‍ ബട്ട്. വിദേശതാരങ്ങളെ പങ്കെടുപ്പിക്കാനുള്ള ത്രാണി ബി.സി.സി.ഐയ്ക്കുണ്ടെന്ന് ബട്ട് പറഞ്ഞു.
ചില ക്രിക്കറ്റ് ബോര്‍ഡുകള്‍ ഐ.പി.എല്ലിന് കളിക്കാരെ അയച്ചേക്കില്ലെന്ന് അറിയിച്ചിരുന്നു. ഇതോടെയാണ് പ്രതികരണവുമായി ബട്ട് രംഗത്തെത്തിയത്.
‘ഐ.പി.എല്‍ ഒരു വലിയ ടൂര്‍ണ്ണമെന്റാണ്. ബി.സി.സി.ഐ പോലുള്ള അസോസിയേഷന്‍ അത് എന്തുവില കൊടുത്തും മനോഹരമാക്കും. അതിനുള്ള ‘മസില്‍ പവര്‍’ അവര്‍ക്കുണ്ട്,’ ബട്ട് പറഞ്ഞു.
കൊവിഡിനെ തുടര്‍ന്ന് നിര്‍ത്തിവെച്ച ഐ.പി.എല്ലിലെ ശേഷിക്കുന്ന മത്സരങ്ങള്‍ യു.എ.ഇയിലാണ് നടക്കുന്നത്. സെപ്റ്റംബര്‍, ഒക്ടോബര്‍ മാസങ്ങളിലായി ഐ.പി.എല്‍. നടത്താനാണു പദ്ധതി.
