പൗരത്വ ഭേദഗതി നിയമത്തെത്തുടര്‍ന്ന് രാജ്യത്തു നിക്ഷേപമുറപ്പിക്കാന്‍ വ്യവസായികള്‍ മടിക്കുന്നെന്ന് സൂചന. ഇന്ത്യയില്‍ വ്യവസായത്തിന് പണം മുടക്കുന്നത് ഇനി ഗൗരവമായ ആലോചനകള്‍ക്ക് ശേഷം മാത്രമേ തീരുമാനിക്കൂ എന്ന് അമേരിക്കന്‍ വ്യവസായിയായ ടിം ട്രാപര്‍ വ്യക്തമാക്കി.
എന്തിന് പൗരത്വ നിയമം എന്ന വാര്‍ത്ത പങ്കുവച്ചുകൊണ്ടായിരുന്നു ഇദ്ദേഹത്തിന്റെ ട്വീറ്റ്. വരും നാളുകള്‍ നിക്ഷേപകര്‍ക്ക് രാജ്യം മെച്ചപ്പെട്ടതാവില്ല എന്ന സൂചനയിലേക്കാണ് ടിം അടക്കമുള്ള വ്യവസായികള്‍ വിരല്‍ ചൂണ്ടുന്നത്.
അതേസമയം, നിയമത്തിനെതിരെ രാജ്യവ്യാപക പ്രതിഷേധം ഉയരുകയാണ്. പ്രതിഷേധത്തിനിടെ കര്‍ണ്ണാടകത്തില്‍ രണ്ട് പേര്‍ കൊല്ലപ്പെട്ട സംഭവത്തില്‍ കേരളത്തിലും ജാഗ്രത നിര്‍ദ്ദേശം നല്‍കിയിട്ടുണ്ട്. കേരളത്തില്‍ നിന്നും മംഗളൂരുവിലേക്ക് ഉള്ള കെ.എസ്.ആര്‍.ടി.സി ബസുകള്‍ സര്‍വീസുകള്‍ നിര്‍ത്തിവെച്ചിരിക്കുകയാണ്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
അതേസമയം വെടിവെപ്പില്‍ പ്രതിഷേധിച്ച് കേരളത്തിന്റെ വിവിധ ഭാഗങ്ങളില്‍ കെ.എസ്.ആര്‍.ടി.സി ബസുകളും ട്രെയിനുകളും തടഞ്ഞു. കോഴിക്കോട് കര്‍ണാടക മുഖ്യമന്ത്രി ബി.എസ് യെദ്യൂരപ്പയുടെ കോലം കത്തിച്ചു.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ