ലക്‌നൗ: പൗരത്വ ഭേദഗതി നിയമത്തില്‍ രാജ്യത്തെമ്പാടും പ്രതിഷേധം കനക്കുന്നതിനിടെ ഇന്റര്‍നെറ്റ് സേവനം നിശ്ചലമാക്കി സര്‍ക്കാര്‍. ഭേദഗതി ചെയ്ത നിയമത്തിനെതിരെ പ്രതിഷേധമുണ്ടാകുമെന്ന് ഭയന്ന് ഉത്തര്‍പ്രദശിലെ അലിഗഢ് ജില്ലയില്‍ ഇന്റര്‍നെറ്റ് സേവനം നിര്‍ത്തിവെച്ചതായി വാര്‍ത്താ ഏജന്‍സിയായ പി.ടി.ഐ ട്വീറ്റ് ചെയ്തു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ബുധനാഴ്ച വൈകീട്ട് 7 മണി മുതല്‍ അസമിലെ പത്ത് ജില്ലകളിലെ ഇന്റര്‍നെറ്റ് സേവനങ്ങള്‍ റദ്ദ് ചെയ്തിരുന്നു. ലഖിംപൂര്‍, ധേമാജി, ടിന്‍സുകിയ, ദിബ്രുഗഡ്, ചരൈഡിയോ, ശിവസാഗര്‍, ജോര്‍ഹട്ട്, ഗോലഘട്ട്, കമ്രൂപ് (മെട്രോ), കമ്രുപ് എന്നിവിടങ്ങളിലെ സേവനങ്ങളാണ് താല്‍ക്കാലികമായി നിര്‍ത്തിവെച്ചത്.
Internet services in UP’s Aligarh district suspended till 5 pm in view of protests planned against amended #CitizenshipAct
— Press Trust of India (@PTI_News) December 13, 2019
അതേസമയം ഇന്റര്‍നെറ്റ് സേവനമില്ലാത്ത അസം ജനതയോട് പ്രതിഷേധത്തില്‍ നിന്ന് പിന്തിരിയാന്‍ പ്രധാനമന്ത്രി നരേന്ദ്രമോദി ട്വിറ്ററിലൂടെ ആഹ്വാനം ചെയ്തത് പരിഹാസത്തിന് വഴിവെച്ചിരുന്നു. ‘നിങ്ങളുടെ അവകാശങ്ങള്‍ ഞങ്ങള്‍ സംരക്ഷിക്കും അസം ജനത ശാന്തരാകണം’ എന്നായിരുന്നു ഇന്റര്‍നെറ്റില്ലാത്ത അസം ജനതയോട് മോദി ട്വിറ്ററിലൂടെ ആവശ്യപ്പെട്ടത്.
