ന്യൂദല്‍ഹി: ഐ.സി.സി ഇനങ്ങളില്‍ മത്സരിക്കുന്ന പുരുഷ-വനിതാ ടീമുകള്‍ക്ക് തുല്യമായ സമ്മാനത്തുക പ്രഖ്യാപിച്ച് അന്താരാഷ്ട്ര ക്രിക്കറ്റ് കൗണ്‍സില്‍ (ഐ.സി.സി). വ്യാഴാഴ്ച ദക്ഷിണാഫ്രിക്കയിലെ ഡര്‍ബനില്‍ നടന്ന ഐസിസിയുടെ വാര്‍ഷിക സമ്മേളനത്തിലാണ് ഈ തീരുമാനം പ്രഖ്യാപിച്ചത്.
2017 മുതല്‍ ഈ ലക്ഷ്യം നടപ്പാക്കാന്‍ ശ്രമം തുടങ്ങിയിരുന്നെന്നും അതിന്റെ ഭാഗമായി എല്ലാ വര്‍ഷവും വനിതാ ഇവന്റുകളില്‍ സമ്മാനത്തുക വര്‍ധിപ്പിച്ച് വരുന്നുണ്ടെന്ന്
ഐ.സി.സി ചെയര്‍മാന്‍ ഗ്രെഗ് ബാര്‍ക്ലേ പ്രസ്താവനയില്‍ പറഞ്ഞു. ചരിത്രപരമായ ഈ തീരുമാനം നടപ്പാക്കുന്നതില്‍ ഏറെ സന്തോഷമുണ്ടെന്നും ബാര്‍ക്ലെ കൂട്ടിച്ചേര്‍ത്തു.
𝐒𝐭𝐚𝐫𝐭 𝐨𝐟 𝐚 𝐧𝐞𝐰 𝐝𝐚𝐰𝐧. 𝐀𝐧 𝐞𝐫𝐚 𝐨𝐟 𝐞𝐪𝐮𝐚𝐥𝐢𝐭𝐲 & 𝐞𝐦𝐩𝐨𝐰𝐞𝐫𝐦𝐞𝐧𝐭
I am thrilled to announce that a major step towards gender parity & inclusivity has been undertaken. The prize money at all @ICC events will be same for men & women. Together we grow.…
— Jay Shah (@JayShah) July 13, 2023
ഐ.സി.സിയുടെ തീരുമാനം സ്വാഗതം ചെയ്യുന്നുവെന്ന് ബി.സി.സി.ഐയും അറിയിച്ചു. ലിംഗസമത്വത്തിലേക്കുള്ള ഒരു സുപ്രധാന ചുവടുവയ്പ്പാണ് ഐ.സി.സിയുടെ തീരുമാനമെന്ന് ബി.സി.സി.ഐ സെക്രട്ടറി ജെയ് ഷാ ട്വീറ്റ് ചെയ്തു.
