നയന്‍താര- വിഘ്നേഷ് ശിവന്‍ നിര്‍മ്മിച്ച ചിത്രത്തിന് അന്താരാഷ്ട്ര പുരസ്‌ക്കാരം; അഭിനന്ദനവുമായി ഗീതു മോഹന്‍ദാസ്
എന്റര്‍ടെയിന്‍മെന്റ് ഡെസ്‌ക്
Monday, 8th February 2021, 7:05 pm
ചെന്നൈ: നയന്‍താരയും വിഘ്‌നേശ് ശിവനും ചേര്‍ന്ന് നിര്‍മ്മിച്ച കൂഴങ്കല്‍ എന്ന ചിത്രത്തിന് അന്താരാഷ്ട്ര പുരസ്‌ക്കാരം. അമ്പതാമത് റോട്ടര്‍ഡാം ടൈഗര്‍ പുരസ്‌ക്കാരമാണ് ചിത്രത്തിന് ലഭിച്ചത്.
നവാഗതനായ പി.എസ് വിനോദ് രാജാണ് ചിത്രം സംവിധാനം ചെയ്തിരിക്കുന്നത്. നയന്‍താരയുടെയും വിഘ്‌നേശ് ശിവന്റെയും നിര്‍മ്മാണ സംരംഭമായ റൗഡി പിക്‌ചേഴ്‌സ് നിര്‍മ്മിച്ച ആദ്യ സിനിമയുമാണ് കൂഴങ്കല്‍.
ചിത്രത്തിന്റെ നേട്ടത്തില്‍ അഭിനന്ദനവുമായി സംവിധായികയും നടിയുമായ ഗീതു മോഹന്‍ദാസും എത്തി. മികച്ച ചിത്രമാണെന്നും എല്ലാവരും പോയി കാണണമെന്നും ഗീതു മോഹന്‍ദാസ് ഫേസ്ബുക്കില്‍ കുറിച്ചു.
