ദേശീയ പുരസ്‌കാരത്തിനു ശേഷം അന്താരാഷ്ട്ര പുരസ്‌കാരവും നേടി ജിയോ ബേബിയുടെ 'കുഞ്ഞുദൈവം'
എന്റര്‍ടെയിന്‍മെന്റ് ഡെസ്‌ക്
Saturday, 21st September 2019, 10:45 pm
മികച്ച ബാലനടനുള്ള ദേശീയ പുരസ്‌കാരം ആദിഷ് പ്രവീണിനു നേടിക്കൊടുത്ത ‘കുഞ്ഞുദൈവം’ എന്ന സിനിമയ്ക്ക് അന്താരാഷ്ട്ര പുരസ്‌കാരം. ലോസ് ആഞ്ജലസ് ലവ് അന്താരാഷ്ട്ര ചലച്ചിത്രമേളയിലാണ് കുഞ്ഞുദൈവം സംവിധാനം ചെയ്ത ജിയോ ബേബിക്ക് മികച്ച സംവിധായകനുള്ള പുരസ്‌കാരം ലഭിച്ചത്.
മികച്ച സംഗീത സംവിധായകനായി കുഞ്ഞുദൈവത്തിന്റെ സംഗീത സംവിധായകന്‍ മാത്യൂസ് പുളിക്കനും തെരഞ്ഞെടുക്കപ്പെട്ടു.
ഓഷ്യന്‍ പിക്‌ചേഴ്‌സിന്റെ ബാനറില്‍ സാനു എസ്. നായര്‍, നസീബ് ബി.ആര്‍ എന്നിവരാണു ചിത്രം നിര്‍മിച്ചത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
കഴിഞ്ഞ വര്‍ഷം ഫെബ്രുവരിയിലാണ് സിനിമ റിലീസ് ചെയ്തത്. ജോജു ജോര്‍ജ്, റീന മരിയ, സിദ്ധാര്‍ഥ ശിവ എന്നിവരും അഭിനയിച്ചിട്ടുണ്ട്. ഒന്നരമണിക്കൂര്‍ മാത്രമാണ് സിനിമയുടെ ദൈര്‍ഘ്യം.
