പൊലീസ് സ്റ്റേഷനുകളിലും സി.ബി.ഐ, എന്‍.ഐ.എ, ഇ.ഡി ഓഫീസുകളിലും സി.സി.ടി.വി ക്യാമറകള്‍ സ്ഥാപിക്കണം; കേന്ദ്രത്തോട് സുപ്രീം കോടതി
ഡൂള്‍ന്യൂസ് ഡെസ്‌ക്
Wednesday, 2nd December 2020, 10:13 pm
ന്യൂദല്‍ഹി: ദേശീയ അന്വേഷണ ഏജന്‍സികളായ സി.ബി.ഐ, എന്‍ഫോഴ്‌സ്‌മെന്റ് ഡയരക്ട്രേറ്റ്, എന്‍.ഐ.എ എന്നിവയില്‍ സി.സി.ടി.വി ക്യാമറകളും റെക്കോര്‍ഡിംഗ് ഉപകരണങ്ങളും സ്ഥാപിക്കണമെന്ന് കേന്ദ്രസര്‍ക്കാരിനോട് സുപ്രീം കോടതി.
ജസ്റ്റിസ് ആര്‍.എഫ് നരിമാന്‍ അധ്യക്ഷനായ ബെഞ്ചിന്റേതാണ് നിര്‍ദ്ദേശം. 18 മാസം വരെയുള്ള റെക്കോര്‍ഡിങ്ങുകള്‍ സൂക്ഷിക്കണമെന്നും കോടതി നിര്‍ദ്ദേശിച്ചു.
അന്വേഷണ ഏജന്‍സികളില്‍ ഭൂരിഭാഗവും അവരുടെ ഓഫീസിനുള്ളില്‍വെച്ചാണ് ചോദ്യം ചെയ്യലുകള്‍ നടത്തുന്നത്. പ്രതികളെ കസ്റ്റഡിയിലെടുത്ത് ചോദ്യം ചെയ്യുന്നതുള്‍പ്പെടെയുള്ള സാഹചര്യങ്ങള്‍ റെക്കോര്‍ഡ് ചെയ്യപ്പെടണം, കോടതി ഉത്തരവില്‍ പറയുന്നു.
