'വീണ്ടും പറയുന്നു, ഇത് പകയുടെ രാഷ്ട്രീയം'; കോണ്‍ഗ്രസ് നേതാക്കളുടെ അറസ്റ്റിനെതിരെ കാര്‍ത്തി ചിദംബരം വീണ്ടും രംഗത്ത്
ഡൂള്‍ന്യൂസ് ഡെസ്‌ക്
Thursday, 26th September 2019, 1:19 pm
ന്യൂദല്‍ഹി: രാജ്യത്ത് കോണ്‍ഗ്രസ് നേതാക്കള്‍ക്കെതിരെ നടക്കുന്നത് പകയുടെ രാഷ്ട്രീയമെന്ന് കാര്‍ത്തി ചിദംബരം. പി.ചിദംബരത്തെ തീഹാര്‍ ജയിലില്‍ സന്ദര്‍ശിച്ച് മടങ്ങവെയാണ് കാര്‍ത്തി ചിദംബരത്തിന്റെ പ്രതികരണം.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
‘ഞങ്ങള്‍ വീണ്ടും ആവര്‍ത്തിക്കുകയാണ്. ഇത് പകയുടെ രാഷ്ട്രീയമാണ്. വ്യാജ കേസുകള്‍ കെട്ടിച്ചമച്ച് ഈ സര്‍ക്കാരിനെ എതിര്‍ക്കുന്നവരെയൊക്കെ ലക്ഷ്യം വെക്കുകയാണ് ഇപ്പോള്‍ നടക്കുന്നത്. എന്റെ അച്ഛനും ശിവകുമാറും ഒരു വിചാരണയ്ക്കും വിധേയമല്ല, ഒരു കോടതിയും കുറ്റക്കാരാണെന്ന് കണ്ടെത്തിയിട്ടുമില്ല. അന്വേഷണത്തിന്റെ മറവില്‍ മാത്രമാണ് ഇവരെ ജുഡീഷ്യല്‍ കസ്റ്റഡിയില്‍ വിടുന്നത്. ഇത് ഈ രാജ്യത്തിന്റെ രാഷ്ട്രീയത്തില്‍ പ്രതികൂലവുമായ അന്തരീക്ഷം സൃഷ്ടിക്കുന്നു.’ എന്നായിരുന്നു കാര്‍ത്തി ചിദംബരത്തിന്റെ പ്രതികരണം.
