മന്ത്രിസ്ഥാനം വേണം; എല്‍.ഡി.എഫ് കണ്‍വീനര്‍ക്ക് ഐ.എന്‍.എല്ലിന്റെ കത്ത്
ഡൂള്‍ന്യൂസ് ഡെസ്‌ക്
Wednesday, 5th May 2021, 5:51 pm
കോഴിക്കോട്: രണ്ടാം എല്‍.ഡി.എഫ് സര്‍ക്കാരില്‍ മന്ത്രിസ്ഥാനം ആവശ്യപ്പെട്ട് ഘടകകക്ഷി ഐ.എന്‍.എല്‍. ഇക്കാര്യം ആവശ്യപ്പെട്ട് എല്‍.ഡി.എഫ് കണ്‍വീനര്‍ എ.വിജയരാഘവന് കത്ത് നല്‍കി.
നിയമസഭാ തെരഞ്ഞെടുപ്പില്‍ ഐ.എന്‍.എല്ലിന് ഒരു സീറ്റാണ് ലഭിച്ചത്. കോഴിക്കോട് സൗത്തില്‍ വിജയിച്ച അഹമ്മദ് ദേവര്‍കോവിലാണ് ഐ.എന്‍.എല്‍ പ്രതിനിധി.
12459 വോട്ടുകളുടെ ഭൂരിപക്ഷമാണ് അദ്ദേഹത്തിന് ലഭിച്ചത്. യു.ഡി.എഫിന്റെ സിറ്റിംഗ് സീറ്റാണ് അഹമ്മദ് ദേവര്‍കോവില്‍ വലിയ ഭൂരിപക്ഷത്തില്‍ തിരികെ പിടിച്ചത്.
അതേസമയം മുന്നണിയില്‍ ആര്‍ക്കൊക്കെ മന്ത്രിസ്ഥാനം നല്‍കണമെന്ന ചര്‍ച്ച തുടങ്ങാനിരിക്കുകയാണ്.
