മൊബൈല്‍ നമ്പറും വിലാസവും അടക്കം ഇടുക്കിയില്‍ കൊവിഡ് രോഗികളുടെ വിവരങ്ങള്‍ ചോര്‍ന്നു; ഡി.എം.ഒയോട് റിപ്പോര്‍ട്ട് തേടി കളക്ടര്‍
ഡൂള്‍ന്യൂസ് ഡെസ്‌ക്
Wednesday, 15th July 2020, 5:40 pm
ഇടുക്കി: ജില്ലയില്‍ കൊവിഡ് രോഗികളുടെ വിവരം കൈകാര്യം ചെയ്യുന്നതില്‍ ഗുരുതര വീഴ്ച. 51 രോഗികളുടെ വിവരങ്ങളാണ് സാമൂഹ്യമാധ്യമങ്ങളിലൂടെ ചോര്‍ന്നത്.
രോഗികളുടെ പേര്, പ്രായം, ഫോണ്‍ നമ്പര്‍, വിലാസം എന്നിവ ഉള്‍പ്പെട്ട പട്ടികയാണ് പ്രചരിക്കുന്നത്. സംഭവത്തില്‍ ജില്ലാ മെഡിക്കല്‍ ഓഫിസറോട് കലക്ടര്‍ റിപ്പോര്‍ട്ട് തേടിയിട്ടുണ്ട്.
ബുധനാഴ്ച ഉച്ചയോടെയാണ് കൊവിഡ് രോഗികളുടെ വിവരങ്ങള്‍ സാമൂഹ്യ മാധ്യമങ്ങളിലൂടെ പ്രചരിക്കാന്‍ തുടങ്ങിയത്. ആരോഗ്യവകുപ്പില്‍നിന്നാണ് പട്ടിക ചോര്‍ന്നതെന്നാണ് പ്രാഥമിക നിഗമനം.
